ജോഷിയുടെ സംവിധാനത്തിലൊരുങ്ങിയ “പൊറിഞ്ചു മറിയം ജോസ്” സൂപ്പര്‍ ഹിറ്റായി തീയേറ്ററുകളില്‍ കുതിക്കുകയാണ്. “മനമറിയുന്നോള് ഇവളാ കെട്ട്യോള്” എന്ന ഗാനത്തിന്റെ വീഡിയോ പുറത്ത് വിട്ടിരിക്കുകയാണ് അണിയറ പ്രവര്‍ത്തകര്‍. ജ്യോതിഷ് ടി കാശിയുടെ വരികള്‍ക്ക് ജേക്സ് ബിജോയാണ് സംഗീതം നല്‍കിയിരിക്കുന്നത്. വിജയ് യേശുദാസും സച്ചിന്‍ രാജും ചേര്‍ന്നാണ് ഗാനം ആലപിച്ചിരിക്കുന്നത്.
ചിത്രത്തിലെ മിക്ക കഥാപാത്രങ്ങളും ഈ ഗാനത്തില്‍ പ്രത്യക്ഷപ്പെടുന്നുണ്ട്. ചിത്രത്തില്‍ കാട്ടാളന്‍ പൊറിഞ്ചുവായി ജോജുവും മറിയമായി നൈലയും ജോസായി ചെമ്പന്‍ വിനോദുമാണ് അഭിനയിക്കുന്നത്. കൊടുങ്ങല്ലൂരിലും തൃശൂരിലുമായി ചിത്രീകരിച്ച സിനിമ 80 കളുടെ പശ്ചാത്തലത്തിലാണ് ചിത്രം കഥ പറയുന്നത്.
Read more
ഡേവിഡ് കാച്ചപ്പിള്ളി പ്രൊഡക്ഷന്‍സ് അവതരിപ്പിച്ച്, കീര്‍ത്തന മൂവീസിന്റെ ബാനറില്‍ റെജി മോന്‍ നിര്‍മ്മിക്കുന്ന ഈ ചിത്രത്തിന്റെ കഥയും തിരക്കഥയും അഭിലാഷ് എന്‍.ചന്ദ്രന്‍ ആണ്. അജയ് ഡേവിഡ് കാച്ചപ്പിള്ളി ഛായാഗ്രഹണം നിര്‍വ്വഹിക്കുന്ന ചിത്രത്തിന് സംഗീതം ഒരുക്കിയിരിക്കുന്നത് ജേക്സ് ബിജോയാണ്.
