‘എമ്പുരാന്‍’ സിനിമയുടെ ലൊക്കേഷന്‍ സന്ദര്‍ശിച്ച് സംവിധായകന്‍ രാം ഗോപാല്‍ വര്‍മ. എമ്പുരാന്റെ അവസാനഘട്ട ചിത്രീകരണം നടക്കുന്ന പാലക്കാട്ടെ ലൊക്കേഷനിലാണ് ആര്‍ജിവി എത്തിയത്. പൃഥ്വിരാജ് തങ്ങളുടെ ജോലിയായ സംവിധാനം തട്ടി എടുത്താല്‍ തങ്ങള്‍ എന്ത് ചെയ്യും എന്ന കുസൃതി ചോദ്യത്തോടെയാണ് ആര്‍ജിവി സെറ്റില്‍ നിന്നുള്ള ചിത്രങ്ങള്‍ പങ്കുവച്ചിരിക്കുന്നത്.
”ഗംഭീര യൂണിറ്റ് ആണ് ചിത്രത്തിന്റെത്. രണ്ടാം വട്ടവും ഒരു വന്‍ വിജയ ചിത്രമാണ് ഒരുങ്ങിക്കൊണ്ടിരിക്കുന്നത്. ഞങ്ങളുടെ ജോലി കൂടി തട്ടിയെടുത്താല്‍ ഞങ്ങള്‍ എന്ത് ചെയ്യും” എന്നാണ് പൃഥ്വിരാജിന്റെ ചിത്രം പങ്കുവച്ച് ആര്‍ജിവി കുറിച്ചിരിക്കുന്നത്. രാം ഗോപാല്‍ വര്‍മ എന്ന സംവിധായകന്‍ തന്നെ എത്രത്തോളം സ്വാധീനിച്ചിട്ടുള്ള ആളാണെന്ന് പറഞ്ഞുകൊണ്ട് പൃഥ്വിരാജും ചിത്രങ്ങള്‍ പങ്കുവച്ചിട്ടുണ്ട്.
Me the DIRECTOR watching an ACTOR direct ..Sir @PrithviOfficial ,if you take away our job also, what will we do? 😢😢😢 pic.twitter.com/mvb842eeU3
— Ram Gopal Varma (@RGVzoomin) November 23, 2024
”മോഡേണ്‍ ഇന്ത്യന്‍ സിനിമ കണ്ട് വളര്‍ന്ന ഏതൊരു സംവിധായകനെയും പോലെ ഞാനും ഈ ഇതിഹാസത്തിന്റെ ക്രാഫ്റ്റില്‍ നിന്ന് ഏറെ പ്രചോദിപ്പിക്കപ്പെട്ടിട്ടുണ്ട്. ക്യാമറയെ കഥ പറച്ചിലിനുള്ള ഒരു ഉപകരണമായി എങ്ങനെ ഉപയോഗിക്കാം എന്നതിന്റെ മാസ്റ്ററാണ് അദ്ദേഹം. സ്ഥിരമായ മുദ്രകള്‍ പതിപ്പിച്ചിട്ടുള്ളവയാണ് അദ്ദേഹത്തിന്റെ പല ചിത്രങ്ങളും.”
”ഈ രാജ്യത്തുനിന്നുള്ളനരില്‍ എക്കാലത്തെയും ഏറ്റവും മികച്ചവരില്‍ ഒരാള്‍. ഈ സെറ്റില്‍ കണ്ടുമുട്ടാന്‍ സാധിച്ചതും കലയെ കുറിച്ചും സിനിമയെ കുറിച്ചും അങ്ങയോട് സുദീര്‍ഘമായി സംസാരിക്കാന്‍ സാധിച്ചതും വലിയ ഭാഗ്യമായി കരുതുന്നു. ആ പഴയ രാം ഗോപാല്‍ വര്‍മയുടെ ഗംഭീര തിരിച്ചുവരവിനായുള്ള കാത്തിരിപ്പിലാണ് ഞാന്‍” എന്നാണ് പൃഥ്വിരാജ് കുറിച്ചത്.
മോഹന്‍ലാലിന്റെ ചിത്രം പങ്കുവച്ച് ഒരു ചെറിയ കുറിപ്പ് ആര്‍ജിവി പങ്കുവച്ചിട്ടുണ്ട്. ”മെമ്മറീസ് ഓഫ് കമ്പനി.. വളരെ നാളുകള്‍ക്ക് ശേഷം മോഹന്‍ലാലിനെ നേരില്‍ കണ്ടു” എന്നാണ് ആര്‍ജിവി കുറിച്ചിരിക്കുന്നത്. അതേസമയം, അടുത്ത വര്‍ഷം മാര്‍ച്ച് 27ന് ആണ് റിലീസ് ചെയ്യുന്നത്.
Memories of COMPANY..Met the one and only @Mohanlal after a long long time 💐💐💐 pic.twitter.com/aUEvwwWDRg
— Ram Gopal Varma (@RGVzoomin) November 24, 2024
Read more
