‘പുഷ്പ’ സിനിമയിലെ ഹൈലൈറ്റുകളില്‍ ഒന്നായിരുന്നു സാമന്തയുടെ ‘ഉ അണ്ടാവ..’ എന്ന ഐറ്റം നമ്പര്‍. സിനിമ തിയേറ്റില്‍ എത്തുന്നതിന് മുമ്പേ തന്നെ സാമന്തയുടെ ഈ ഡാന്‍സ് വീഡിയോ വൈറലായി മാറിയിരുന്നു. ‘പുഷ്പ 2’ എത്തുമ്പോള്‍ സാമന്തയും ഈ ഗാനവും വീണ്ടും എത്തുമോ എന്ന ചോദ്യത്തോട് പ്രതികരിച്ചിരിക്കുകാണ് സംഗീത സംവിധായകന്‍.
പുഷ്പ ആദ്യ ഭാഗത്തിന് സംഗീതം ഒരുക്കിയ ദേവി ശ്രീ പ്രസാദ് തന്നെയാണ് രണ്ടാം ഭാഗത്തിനും സംഗീതമൊരുക്കുന്നത്. ഉ അണ്ടവയുടെ മറ്റൊരു വേര്‍ഷന്‍ പുഷ്പ 2വില്‍ എത്തുമെന്ന അഭ്യൂഹങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്. ഈ പ്രചാരണങ്ങളോടാണ് ദേവി ശ്രീ പ്രസാദ് പ്രതികരിച്ചത്.
ആദ്യ ഭാഗത്തിലെ തന്റെ ഗാനങ്ങള്‍ സ്വീകരിച്ച പ്രേക്ഷകര്‍ക്ക് നന്ദി പറയുന്നതിനോടൊപ്പം തന്നെ പുതിയ ഗാനങ്ങളെ കുറിച്ചും സംഗീത സംവിധായകന്‍ പറയുന്നുണ്ട്. പുഷ്പ ഒന്നാം ഭാഗത്തിലെ ഗാനം ഹിറ്റാണ്. ഞങ്ങളോട് കാണിച്ച സ്‌നേഹത്തിന് ഞാന്‍ നന്ദി പറയുന്നു, എന്നാണ് അദ്ദേഹം പറഞ്ഞത്.
Read more
പുഷ്പ 2വില്‍ ഉ അണ്ടാവ ഗാനം ഇനി ആവര്‍ത്തിക്കില്ല. ആരാധകര്‍ക്ക് ഇഷ്ടമുള്ള പാട്ടുകള്‍ക്കാണ് ഞങ്ങള്‍ സംഗീതം ഒരുക്കുന്നത്. രണ്ടാം ഭാഗത്തിലെ ഗാനങ്ങളും പ്രേക്ഷകര്‍ക്ക് ഇഷ്ടമാകുമെന്നാണ് ഞങ്ങള്‍ വിശ്വസിക്കുന്നത് എന്നാണ് ദേവി ശ്രീ പ്രസാദ് പറയുന്നത്.
