ഭദ്രകാളി തീമിലുള്ള ഫോട്ടോഷൂട്ടില്‍ തിളങ്ങി നടി രചന നാരായണന്‍കുട്ടി. കഴുത്തില്‍ നാരങ്ങ മാലയും, ദേഹം മുഴുവനും നീല നിറം പൂശി, കൈയില്‍ കാല്‍ത്തളയും പിടിച്ച് ചുവന്ന വസ്ത്രം ധരിച്ചുള്ള രചനയുടെ ചിത്രങ്ങള്‍ സോഷ്യല്‍ മീഡിയയില്‍ ചര്‍ച്ചയാണ്. വിജയദശമിയോട് അനുബന്ധിച്ചാണ് ചിത്രങ്ങള്‍ എത്തിയത്.
താരങ്ങളും ആരാധകരുമായി നിരവധി പേരാണ് രചനയെ അഭിനന്ദിച്ചു കൊണ്ട് രംഗത്തെത്തുന്നത്. ലവ് ഇമോജികളുമായി എത്തിയ നടി സ്നേഹ ശ്രീകുമാറിന്റെ കമന്റാണ് ഇപ്പോള്‍ ചര്‍ച്ചയാകുന്നത്. രചന പങ്കുവച്ച എല്ലാ ചിത്രങ്ങള്‍ക്കും കമന്റുമായി സ്നേഹ എത്തിയിട്ടുണ്ട്. ഒരു കമന്റിന് വന്ന മറുപടിയാണ് ശ്രദ്ധ നേടുന്നത്.
View this post on Instagram
”ആ ഇവിടെ ലവ് ഇമോജി കമന്റ് ഇട്ടിട്ട്, ആ ലൗഡ്‌സ്പീക്കറില്‍ ചെന്നിരുന്നു കുറ്റം പറയണം കെട്ടോ” എന്നാണ് സ്‌നേഹയുടെ കമന്റിന് ആര്‍. മൈക്കല്‍ എന്ന അക്കൗണ്ടില്‍ നിന്നുമെത്തിയ മറുപടി. നേരത്തെ ശ്രിദ്ധ, എസ്തര്‍ എന്നീ താരങ്ങളുടെ ഫോട്ടോഷൂട്ടിനെ വിമര്‍ശിച്ച ലൗഡ്‌സ്പീക്കര്‍ പരിപാടി വിവാദത്തിലായിരുന്നു.
നടി രശ്മിയും സ്നേഹയും സിനിമാലോകത്ത് നടക്കുന്ന വിശേഷങ്ങള്‍ പങ്കുവയ്ക്കുന്ന പരിപാടിയാണ് ലൗഡ് സ്പീക്കര്‍. താന്‍ വ്യക്തിപരമായി ആരെയും അപമാനിച്ചിട്ടില്ല. ആ പ്രോഗ്രാമില്‍ തങ്ങള്‍ അവതരിപ്പിക്കുന്ന സുശീല, തങ്കു എന്നിവരാണ് അഭിപ്രായങ്ങള്‍ പറഞ്ഞത് എന്നാണ് സ്നേഹ സോഷ്യല്‍ മീഡിയയിലൂടെ വ്യക്തമാക്കിയത്.
View this post on InstagramRead more
