അല്ലു അര്‍ജുന്‍ ചിത്രം ‘പുഷ്പ’യ്ക്ക് ഗംഭീര പ്രതികരണങ്ങള്‍ ആയിരുന്നു പ്രേക്ഷകരില്‍ നിന്നും ലഭിച്ചത്. ചിത്രത്തിനെതിരെ വിവാദങ്ങളും ട്രോളുകളും ഉയര്‍ന്നെങ്കിലും ബോക്‌സോഫീസില്‍ പുഷ്പ ഹിറ്റായി. പുഷ്പയുടെ പുതിയൊരു ട്രോള്‍ വീഡിയോയാണ് ഇപ്പോള്‍ വൈറാലകുന്നത്.
പുഷ്പ രാജിനും ശ്രീവല്ലിക്കും ലോക പ്രശസ്ത കാര്‍ട്ടൂണ്‍ കഥാപാത്രങ്ങളായ ടോമും ജെറിയുമായി ബന്ധമുണ്ട് എന്നാണ് ട്രോളന്‍മാര്‍ പറയുന്നത്. ടോം ആന്‍ഡ് ജെറിയിലെ ചില രംഗങ്ങളും പുഷ്പയിലെ സീനുകളും കോര്‍ത്തിണക്കിയ വീഡിയോ കണ്ടാല്‍ തീര്‍ച്ചയായും പുഷ്പ ടോമിനെ കോപ്പിയടിച്ചതേല്ല എന്നു തോന്നിപ്പോകും.
ശ്രീവല്ലിയുടെയും പുഷ്പയുടെയും ഡാന്‍സ് സ്റ്റെപ്പുകളും മരം വെട്ടുന്നതും സിഗരറ്റ് വലിക്കുന്നതു പോലും അതേ പോലെ ടോമും ജെറിയും ചെയ്യുന്നതാണ് വീഡിയോയിലുള്ളത്. പുഷ്പ സിനിമയിലെ രംഗങ്ങള്‍ ടോമും ജെറിയും ചെയ്താല്‍ എങ്ങനെയിരിക്കും എന്ന ടൈറ്റിലോടെയാണ് വീഡിയോ പുറത്തെത്തിയത്.
ഇതോടെ ടോമും ജെറിയും ഇതു കാലങ്ങള്‍ക്കു മുമ്പേ ചെയ്തതല്ലേ എന്നാണ് ആരാധകര്‍ ചോദിക്കുന്നത്. അതേസമയം, പുഷ്പ ദ റൈസ് എന്ന ചിത്രത്തിന് ശേഷം ഇതിന്റെ രണ്ടാം ഭാഗത്തിനായാണ് ആരാധകര്‍ കാത്തിരിക്കുന്നത്. 300 കോടിലധികം കളക്ഷനാണ് പുഷ്പയ്ക്ക് ആഗോള തലത്തില്‍ ലഭിച്ചത്.
