തെന്നിന്ത്യ മുഴുവന്‍ ആഘോഷിച്ച പുഷ്പയുടെ രണ്ടാം ഭാഗം ‘പുഷ്പ: ദ റൂള്‍’ തിയേറ്ററുകളിലേക്ക് എത്താൻ ഒരുങ്ങുകയാണ്. അല്ലു അർജുനും രശ്മിക മന്ദാനയെയും കൂടാതെ ചിത്രത്തിൽ വില്ലനായി എത്തിയ ഫഹദ് ഫാസിലിനേയും സിനിമ പ്രേമികൾ ഇരുകയ്യും നെറ്റി സ്വീകരിച്ചിരുന്നു. എന്നാൽ ചിത്രത്തെക്കുറിച്ച് ഫഹദ് പറഞ്ഞ വാക്കുകളാണ് പ്രേക്ഷകരെ ഞെട്ടിച്ചിരിക്കുന്നത്. തന്റെ കരിയറില്‍ ഈ ചിത്രം കാര്യമായൊന്നും ചെയ്തില്ലെന്നാണ് അടുത്തിടെ നടന്ന ഒരു അഭിമുഖത്തിൽ താരം പറയുന്നത്.
പുഷ്പ: ദി റൈസ് എന്ന ചിത്രം ഒരു ഇന്ത്യൻ താരമാകാൻ സഹായിച്ചിട്ടുണ്ടോ എന്ന ചോദ്യത്തിനാണ് ഫഹദ് ഫാസിൽ മറുപടി നൽകിയത്. ചിത്രം തന്നെ കാര്യമായി സഹായിച്ചിട്ടില്ല എന്നാണ് ഫഹദ് വ്യക്തമാക്കിയത്. മലയാള സിനിമാ മേഖലയ്ക്കാണ് താൻ മുൻഗണ നൽകുന്നതെന്നും ഫഹദ് പറഞ്ഞു.
എനിക്കായി പുഷ്പ ഒന്നും ചെയ്തതായി ഞാൻ കരുതുന്നില്ല. അത് ഞാൻ സുകുമാർ സാറിനോട് പറഞ്ഞിട്ടുണ്ട്. എനിക്കത് മറച്ചു വെക്കേണ്ട കാര്യമില്ല. ഞാൻ അക്കാര്യത്തിൽ സത്യസന്ധനായിരിക്കണം. പുഷ്പയ്ക്ക് ശേഷം ആളുകൾ എന്നിൽ നിന്ന് മാജിക് പ്രതീക്ഷിക്കുകയാണ്. സുകുമാർ സാറിനോടുള്ള സഹകരണവും സ്നേഹവുമാണ് അത്. എനിക്ക് വേണ്ടത് മലയാള സിനിമയിലുണ്ട് എന്നാണ് ഫഹദ് പറഞ്ഞത്.
അതേസമയം, പുഷ്പ 2വിൻ്റെ അവസാനഘട്ട ചിത്രീകരണം പുരോഗമിക്കുകയാണ്. അല്ലു അർജുനെ കൂടാതെ രശ്മിക മന്ദാനയും ചിത്രത്തിൽ നായികയാകുന്നു. പുഷ്പ 2: ദി റൂൾ ഒരു അതിഥി വേഷത്തിൽ സാമന്ത റൂത്ത് പ്രഭുവും എത്തിയേക്കാം. സഞ്ജയ് ദത്തും ചിത്രത്തിൽ ഒരു പ്രത്യേക വേഷത്തിൽ എത്താൻ സാധ്യതയുണ്ട്.
അല്ലു അര്ജുന് മികച്ച നടനുള്ള ദേശീയ പുരസ്‌കാരം നേടി കൊടുത്ത പുഷ്പരാജ് എന്ന കഥപാത്രത്തിന്റെ രണ്ടാംവരവ് സിനിമാലോകം ഏറെ പ്രതീക്ഷയോടെ കാണുന്നത്. സുകുമാര്‍ സംവിധാനം ചെയ്യുന്ന ചിത്രം ഓഗസ്റ്റ് 15ന് ആണ് റിലീസ് ചെയ്യുക.
