“കറുത്തമുത്ത്”, “സുമംഗലി ഭവ” എന്നീ സീരിയലുകളിലൂടെ ശ്രദ്ധേയായ താരം ദര്‍ശന ദാസിന്റെയും സഹസംവിധായകന്‍ അനൂപ് കൃഷ്ണന്റെയും വിവാഹം അടുത്തിടെയാണ് നടന്നത്. ഇതോടെ വീട്ടുകാരെ ധിക്കരിച്ച് ഒളിച്ചോടി എന്നായിരുന്നു സോഷ്യല്‍ മീഡിയയില്‍ പ്രചരിച്ചത്. എന്നാല്‍ തങ്ങള്‍ ഒളിച്ചോടിയതല്ലെന്ന് വെളിപ്പെടുത്തിയിരിക്കുകയാണ് ദര്‍ശന.
“”ഈ ഒളിച്ചോട്ടവും ധിക്കരിക്കലുമൊക്കെ ആരുടെ കണ്ടെത്തലാണെങ്കിലും കൊള്ളാം. നല്ല ഭാവന. ഇതിനോടകം പലതവണ പറഞ്ഞതാണെങ്കിലും വീണ്ടും ആവര്‍ത്തിക്കാം. ഞാന്‍ ഒളിച്ചോടിയതല്ല. ചെറിയ ചില എതിര്‍പ്പുകളുണ്ടായെങ്കിലും രണ്ടും വീട്ടുകാരും ചേര്‍ന്നാണ് ഞങ്ങളുടെ വിവാഹം നടത്തിത്തന്നത്….”” എന്ന് ദര്‍ശന ഒരു അഭിമുഖത്തിനിടെ വ്യക്തമാക്കി.
Read more
“സുമംഗലി ഭവ” എന്ന സീരിയലിന്റെ ലൊക്കേഷനില്‍ വെച്ചാണ് ദര്‍ശനയും അനൂപും പ്രണയത്തിലാകുന്നത്. ഈ സീരിയലിന്റെ സഹസംവിധായകന്‍ ആയിരുന്നു അനൂപ്.
