ഹൈക്കോടതി ജീവനക്കാരുടെ ഹ്രസ്വനാടകത്തിൽ പ്രധാനമന്ത്രിയേയും കേന്ദ്രപദ്ധതികളേയും അവഹേളിച്ചുവെന്ന പരാതിയിൽ വകുപ്പുതല അന്വേഷണം ആരംഭിച്ചു. ഹൈക്കോടതി വിജിലൻസ് രജിസ്ട്രാറുടെ അന്വേഷണത്തിന് ചീഫ് ജസ്റ്റിസ് ഉത്തരവിട്ടു. സംഭവവുമായി ബന്ധപ്പെട്ട് ഹയർ ഗ്രേഡ് അസിസ്റ്റന്റ് രജിസ്ട്രാർ ടിഎ സുധീഷ്, ഹയർ ഗ്രേഡ് കോർട്ട് കീപ്പർ പിഎം സുധീഷ് എന്നിവരെ സസ്‌പെൻഡ് ചെയ്തു.
റിപ്പബ്ലിക് ദിനാഘോഷത്തിന്റെ ഭാഗമായി വെള്ളിയാഴ്ച രാവിലെയാണ് നാടകം അവതരിപ്പിച്ചത്. സസ്‌പെൻഡ് ചെയ്യപ്പെട്ട ടിഎ സുധീഷാണ് നാടകം എഴുതിയത്. ‘വൺ നേഷൻ, വൺ വിഷൻ, വൺ ഇന്ത്യ’ എന്ന പേരിലാണ് നാടകം അവതരിപ്പിച്ചത്. ബിജെപി ലീഗൽ സെല്ലിന്റേ പരാതിയിലാണ് അന്വേഷണം.
Read more
പ്രധാനമന്ത്രിയേയും കേന്ദ്രപദ്ധതികളേയും അവഹേളിക്കുന്ന പരാമർശങ്ങൾ നാടകത്തിലുണ്ടെന്നാണ് ബിജെപി ലീഗൽ സെല്ലിന്റേയും ഭാരതീയ അഭിഭാഷക പരിഷത്തിന്റേയും പരാതി. ബിജെപി ലീഗൽ സെല്ലിന്റെ പരാതിയിൽ ഹൈക്കോടതി പ്രാഥമിക പരിശോധന നടത്തി. അഡ്മിനിസ്‌ട്രേഷൻ രജിസ്ട്രാറോട് സംഭവത്തിൽ വിശദീകരണം തേടി.
