ഭാരത് ജോഡോ യാത്രയ്ക്ക് ശേഷം രാഹുല്‍ ഗാന്ധി വീണ്ടും കേരളത്തില്‍. സ്വന്തം മണ്ഡലമായ വയനാട്ടിലെ വിവിധ പരിപാടികള്‍ക്കാണ് അദേഹം കേരളത്തില്‍ എത്തുന്നത്. ഇന്ന് രാത്രി എട്ട് മണിക്ക് കരിപ്പൂരില്‍ രാഹുല്‍ വിമാനമിറങ്ങും. കോണ്‍ഗ്രസ്സ് നേതാക്കളും പ്രവര്‍ത്തകരും ചേര്‍ന്ന് അദ്ദേഹത്തെ സ്വീകരിക്കും.
അവിടെ നിന്ന് നേരെ വയനാട്ടിലേക്ക് എത്തും. മുണ്ടേരി മണിയങ്കോട് പ്രദേശത്ത് കോണ്‍ഗ്രസ്സ് പ്രവര്‍ത്തകര്‍ നിര്‍മിച്ചു നല്‍കിയ വീട് നാളെ രാവിലെ രാഹുല്‍ ഗാന്ധി സന്ദര്‍ശിക്കും. ശേഷം കളക്ട്രേറ്റില്‍ നടക്കുന്ന വിവിധ യോഗങ്ങളിലും അദ്ദേഹം പങ്കെടുക്കും.
Read more
കടുവയുടെ ആക്രമണത്തില്‍ കൊല്ലപ്പെട്ട പുതുശ്ശേരിയിലെ കര്‍ഷകനായ തോമസിന്റെ വീടും രാഹുല്‍ സന്ദര്‍ശിക്കും. ‘കൈത്താങ്ങ്’ എന്ന പദ്ധതി പ്രകാരം കോണ്‍ഗ്രസ് പ്രവര്‍ത്തകര്‍ നിര്‍മ്മിച്ചു നല്‍കിയ 25 വീടുകളുടെ താക്കോല്‍ ദാനം വൈകുന്നേരം നടക്കുന്ന മീനങ്ങാടിയിലെ പൊതുസമ്മേളനത്തില്‍ രാഹുല്‍ഗാന്ധി നിര്‍വഹിക്കുമെന്ന് കോണ്‍ഗ്രസ് അറിയിച്ചു.
