കണ്ണൂര്‍ ധര്‍മ്മടത്ത് ബോംബ് പൊട്ടിത്തെറിച്ച് കുട്ടിക്ക് പരിക്ക്. നരിവയല്‍ സ്വദേശിയായ പന്ത്രണ്ട് വയസുകാരന്‍ ശ്രീവര്‍ധനാണ് അപകടത്തില്‍ പരിക്കേറ്റത്. കളിക്കുന്നതിനിടെ കയ്യില്‍ കിട്ടിയ ഐസ്‌ക്രീം ബോള്‍ എടുത്തെറിഞ്ഞപ്പോഴാണ് സ്‌ഫോടനം ഉണ്ടായത്. കുട്ടിയെ തലശ്ശേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. കുട്ടിയുടെ കൈക്കും, മുഖത്തും നെഞ്ചിനും പരിക്കേറ്റു.
ഉച്ചക്ക് രണ്ടരയേടെയാണ് സംഭവം. കുട്ടികള്‍ ക്രിക്കറ്റ് കളിക്കുന്നതിനിടെയാണ് അപകടം നടന്നത്. ബോള്‍ തൊട്ടടുത്ത് കാടുപിടിച്ചു കിടന്ന പറമ്പിലേക്ക് പോയപ്പോള്‍ അതെടുക്കാന്‍ പോകുകയായിരുന്നു ശ്രീവര്‍ധന്‍. ഐസ്‌ക്രീം ബോള്‍ രൂപത്തിൽ ഉള്ള ബോംബ് കണ്ട് കുട്ടി എടുത്തതാകാം അപകടകാരണമെന്നാണ് പ്രാഥമിക വിവരം.
Read more
പൊലീസ് സ്ഥലത്തെത്തി പരിശോധന ആരംഭിച്ചിട്ടുണ്ട്. അപകട സ്ഥലത്ത് നിന്ന് ‘ഐസ്‌ക്രീം ബേംബ്’ കണ്ടെത്തി. ഇതിന് മുമ്പും സമാന സംഭവങ്ങള്‍ കണ്ണൂരില്‍ നടന്നിട്ടുണ്ട്. ഏഴാം ക്ലാസ് വിദ്യാര്‍ഥിയാണ് പരിക്കേറ്റ ശ്രീവര്‍ധന്‍. കുട്ടിയുടെ പരിക്കുകള്‍ സാരമുള്ളതല്ലെന്നാണ് ആശുപത്രിയില്‍ നിന്ന് ലഭിക്കുന്ന വിവരം.
