എം ജി സർവ്വകലാശാലയിലെ ജാതി വിവേചനത്തിനെതിരെ ദളിത് വിദ്യാർത്ഥിനിയായ ദീപ പി മോഹനൻ നടത്തിവരുന്ന നിരാഹാരസമരത്തിൽ സി.പി.എമ്മിനെ വിമർശിച്ച് യൂത്ത് കോൺഗ്രസ് സംസ്ഥാന ജനറൽ സെക്രട്ടറി രാഹുൽ മാങ്കൂട്ടത്തിൽ. “ജയ് ഭീം ” എന്ന ഒരു ചലച്ചിത്രത്തിലെ ചില കഥാപാത്രങ്ങളിൽ കോരിത്തരിച്ച് കമ്മ്യൂണിസ്റ്റ് ഇടപെടലിന്റെ മാഹാത്മ്യത്തെ പറ്റി കവിതയെഴുതുന്ന സഖാക്കൾ, അവർ ഭരിക്കുന്ന കേരളത്തിലെ, ഗാന്ധിയുടെ നാമധേയത്തിലുള്ള സർവ്വകലാശാലയിലെ ജാതി വിവേചനം കാണാത്തത് എന്താണ് എന്ന് രാഹുൽ ഫെയ്‌സ്ബുക്ക് കുറിപ്പിൽ ചോദിച്ചു.

കുറിപ്പിന്റെ പൂർണരൂപം:

കേരളത്തിലെ സഖാക്കളോട് പറയുവാനുള്ളത്, അംബേദ്‌ക്കറും, അയ്യൻകാളിയും കേവലം ചുവർ ചിത്രങ്ങളല്ല. അത് നീണ്ട കാലത്തേക്കുള്ള പോരാട്ടത്തിന്റെ ദിശാബോധമാണ്.

ഇന്നലെ യൂത്ത് കോൺഗ്രസ്സ് സംസ്ഥാന പ്രസിഡന്റ് ഷാഫി പറമ്പിലിനും സഹപ്രവർത്തകർക്കുമൊപ്പം ദീപയെ കണ്ടപ്പോൾ , അവൾ പറഞ്ഞതത്രയും ഇരയുടെ വിലാപമല്ല, അവകാശ നിഷേധത്തിനെതിരെയുള്ള പ്രതിഷേധവും പ്രതിരോധവുമാണ്.

“ജയ് ഭീം ” എന്ന ഒരു ചലച്ചിത്രത്തിലെ ചില കഥാപാത്രങ്ങളിൽ കോരിത്തരിച്ച് കമ്മ്യൂണിസ്റ്റ് ഇടപെടലിന്റെ മാഹാത്മ്യത്തെ പറ്റി കവിതയെഴുതുന്ന സഖാക്കൾ, അവർ ഭരിക്കുന്ന കേരളത്തിലെ, ഗാന്ധിയുടെ നാമധേയത്തിലുള്ള സർവ്വകലാശാലയിലെ ജാതി വിവേചനം കാണാത്തത് എന്താണ്?

തീയേറ്ററിലെ അരണ്ട വെളിച്ചത്തിൽ കയ്യടിക്കുന്ന നിങ്ങൾ , അഭ്രപാളിക്ക് പുറത്ത് എത്ര ദളിത് വിരുദ്ധരാണ് എന്ന് സ്വയം തിരിച്ചറിയുക…..

Read more

അന്താരാഷ്ട്ര ക്രിക്കറ്റില്‍ ഇനി സഞ്ജുവിന്‍റെ സമയം, വൈകാതെ നായകസ്ഥാനത്തേക്ക്!

പ്രസവമുറിയില്‍ ആശങ്കയോടെ നില്‍ക്കുന്ന ഭര്‍ത്താവിന്റെ അവസ്ഥയിലാണ് ഞാന്‍, വിഷാദവുമായി പോരാടുകയായിരുന്നു: അര്‍ച്ചന കവി

'ഏത് ആംഗിളില്‍ ഷൂട്ട് ചെയ്യണമെന്ന് ''പച്ചക്കുയിലിന്'' നന്നായി അറിയാം'; പരിഹാസവുമായി എസ്തര്‍ അനില്‍

ചെവികള്‍ കടിച്ചെടുക്കുന്നു, ഹൃദയം പറിച്ചെടുക്കുന്നതൊക്കെയാണ് കാണിക്കുന്നത്; എ സര്‍ട്ടിഫിക്കറ്റ് പടം കുട്ടികളെയും കാണിക്കുന്നു, 'മാര്‍ക്കോ'യ്‌ക്കെതിരെ കോണ്‍ഗ്രസ് നേതാവ്

സ്വിമ്മിങ് പൂളില്‍ മൂത്രമൊഴിച്ചു; അല്ലു അര്‍ജുനെതിരെ വീണ്ടും പരാതി, ആക്ഷേപവുമായി കോണ്‍ഗ്രസ് നേതാവ്

ദീപ പറയുന്നു, രോഹിത് വേമൂലയ്ക്ക് ജീവനോടെ പറയാൻ കഴിയാതിരുന്നതത്രയും ,
ഒരു ആത്മഹത്യാ കുറിപ്പിൽ അവൻ ഒളിപ്പിച്ച മുദ്രാവാക്യങ്ങളത്രയും ഏറ്റെടുത്ത്,
അവൾ ചരിത്രത്തിലെ ഒരു പഞ്ചമിയാകുന്നു…