മീഡിയ വണ്‍ സീനിയര്‍ കോര്‍ഡിനേറ്റിങ്ങ് എഡിറ്റര്‍ സ്മൃതി പരുത്തിക്കാട് രാജിവെച്ചു. മാതൃഭൂമി ന്യൂസില്‍ സീനിയര്‍ ന്യൂസ് എഡിറ്ററായിരുന്ന സ്മൃതി 2022 ജനുവരി 15-നാണ് സീനിയര്‍ കോ-ഓര്‍ഡിനേറ്റിംഗ് എഡിറ്ററായി മീഡിയാ വണ്‍ ചാനലില്‍ എത്തിയത്. കൈരളി ന്യൂസിലൂടെ ദൃശ്യമാധ്യമ രംഗത്ത് എത്തിയ സ്മൃതി പിന്നീട് ഇന്ത്യാവിഷന്‍ മനോരമ ന്യൂസ് ചാനലുകളിലും പ്രവര്‍ത്തിച്ചിട്ടുണ്ട്. ഫേസ്ബുക്കിലൂടെയാണ് അവര്‍ രാജിക്കാര്യം വെളിപ്പെടുത്തിയിരിക്കുന്നത്.
മീഡിയ വണ്ണില്‍ നിന്നും ഇറങ്ങുന്നു.. എന്റെ മാധ്യമ ജീവിതത്തില്‍ ഒരു വര്‍ഷം മാത്രമാണ് ഇവിടെ ജോലിചെയ്തതെങ്കിലും വ്യക്തിപരമായും പ്രൊഫഷണലായും എന്നെ അങ്ങേയറ്റം സ്വാധീനിച്ച സ്ഥാപനമാണിത്. അതിന് സ്ഥാപനത്തിന്റെ നടത്തിപ്പുകാരോടും, സഹപ്രവര്‍ത്തകരോടും ഉള്ള നന്ദി പറഞ്ഞറിയിക്കാവുന്നതല്ല. എല്ലാ പ്രതിബന്ധങ്ങളും നേരിട്ട് മുന്നോട്ട് കുതിക്കാന്‍ മീഡിയ വണ്ണിന് കഴിയട്ടെയെന്ന് സ്മൃതി പരുത്തിക്കാട് ഫേസ്ബുക്കില്‍ കുറിച്ചു.
Read more
മീഡിയ വണ്ണില്‍ നിന്നും രാജിവെച്ച് സ്മൃതി പരുത്തിക്കാട് റിപ്പോര്‍ട്ടര്‍ ചാനലില്‍ അടുത്തമാസം ഒന്നിന് എക്‌സിക്യൂട്ടീവ് എഡിറ്ററായി ചുമതലയേല്‍ക്കും.
