മാധ്യമപ്രവര്ത്തകനായ പ്രബീര് പുര്ക്കയസ്തയുടെ അറസ്റ്റ് അസാധുവാക്കിക്കൊണ്ടുള്ള സുപ്രീംകോടതി വിധി യൂണിയന് ഗവണ്മെന്റിനേറ്റ ശക്തമായ തിരിച്ചടിയാണെന്ന് മന്ത്രി പി രാജീവ്. ഭരണഘടനയെത്തന്നെ വെല്ലുവിളിച്ചുകൊണ്ട് നിയമങ്ങള് പാലിക്കാതെ ആരെയും എത്രകാലം വേണമെങ്കിലും ജയിലിലിടാന് സാധിക്കുമെന്ന യൂണിയന് ഗവണ്മെന്റിന്റെ ധാര്ഷ്ട്യത്തിന് നിയമത്തിന്റെ പിന്തുണയോടെ തിരിച്ചടി നല്കാന് പ്രബീറിന് സാധിച്ചു.
പ്രബീറിന്റെ അഭിഭാഷകനെ അറിയിക്കാതെയും റിമാന്റ് റിപ്പോര്ട്ട് കൃത്യമായി നല്കാതെയും ഡെല്ഹി പോലീസ് അദ്ദേഹത്തെ ഏതുവിധേനയും തടങ്കലില് സൂക്ഷിക്കാനാണ് ശ്രമിച്ചത്. എന്നാല് ബഹു. സുപ്രീംകോടതി ഈ വിഷയങ്ങളിലെല്ലാം പോലീസിന്റെ നടപടികളെ രൂക്ഷമായി വിമര്ശിക്കുകയും അര്ഹിച്ച നീതി പ്രബീറിന് നല്കുകയും ചെയ്തു. സന്തോഷത്തോടെ തന്നെ ഈ വിധിയെ സ്വാഗതം ചെയ്യുകയാണ്.
Read more
കേന്ദ്രത്തിന് ഇഷ്ടപ്പെടാത്ത വാര്ത്തകള് പ്രസിദ്ധീകരിച്ചതിന്റെ പേരില് നിരവധി മാധ്യമപ്രവര്ത്തകര്ക്ക് നേരെ നടക്കുന്ന വേട്ടയാടലുകള് അന്താരാഷ്ട്രതലത്തില് തന്നെ രാജ്യത്തിന്റെ മാധ്യമസ്വാതന്ത്ര്യ റാങ്കിങ്ങില് വലിയ ഇടിവ് വരുത്തിക്കൊണ്ടിരിക്കുകയാണ്. ഈ ഘട്ടത്തില് പ്രബീറിന് ലഭിച്ചിരിക്കുന്ന നീതി പ്രതികരണശേഷിയുള്ള മറ്റ് മാധ്യമസ്ഥാപനങ്ങള്ക്കും മാധ്യമപ്രവര്ത്തകര്ക്കും ആത്മവിശ്വാസം നല്കുന്നതാണെന്ന് പി രാജീവ് പറഞ്ഞു.