സ്വകാര്യ ബസ് ജീവനക്കാര്‍ക്ക് നേരെ തോക്ക് ചൂണ്ടിയ സംഭവത്തില്‍ യുട്യൂബ് വോഗ്‌ളര്‍ തൊപ്പിയെ പൊലീസ് കസ്റ്റഡിയിലെടുത്തു. വടകര ബസ് സ്റ്റാന്‍ഡില്‍ വെച്ചാണ് കണ്ണൂര്‍ കല്യാശേരി സ്വദേശിയായ തൊപ്പി എന്ന പേരിലറിയപ്പെടുന്ന മുഹമ്മദ് നിഹാലിനെ പൊലീസ് പിടികൂടിയത്.
ബസ് കാര്‍ ഉരസിയതില്‍ പ്രകോപിതനായി ലൈസന്‍സ് ആവശ്യമില്ലാത്ത എയര്‍ പിസ്റ്റണ്‍ സ്വകാര്യ ബസ് തൊഴിലാളികള്‍ക്ക് നേരെ തൊപ്പി ചൂണ്ടുകയായിരുന്നു. മുഹമ്മദ് നിഹാലിന്റെ കാറില്‍ കോഴിക്കോട് പോകുകയായിരുന്ന സ്വകാര്യ ബസ് ഉരസിയിരുന്നു.
Read more
തുടര്‍ന്ന് വടകര സ്റ്റാന്‍ഡിലെത്തിയ നിഹാലും സുഹൃത്തുക്കളും ബസ് ജീവനക്കാരുമായി വാക്കേറ്റമുണ്ടായി. ഇതിനിടെയാണ് നിഹാല്‍ തോക്ക് ചൂണ്ടിയത്. തുടര്‍ന്ന് സ്ഥലം വിടാന്‍ ശ്രമിച്ച ഇവരെ ബസ് ജീവനക്കാര്‍ പിടിച്ചുവെച്ച് വടകര പൊലീസില്‍ ഏല്‍പ്പിക്കുകയായിരുന്നു. മൂവര്‍ക്കുമെതിരെ പൊലീസ് കേസ് എടുത്തിട്ടുണ്ട്.
