28 കിലോ കഞ്ചാവ് പിടിച്ച കേസിൽ ഗ്രേഡ് എസ് ഐ അറസ്റ്റിൽ. എറണാകുളം ആലുവയിലാണ് സംഭവം. കഞ്ചാവ് കേസിൽ പ്രതിയായ മകനെ വിദേശത്തേക്ക് കടക്കാൻ സഹായിച്ചതിനാണ് പൊലീസ് ഉദ്യോഗസ്ഥൻ അറസ്റ്റിലായത്. തടിയിട്ടപ്പറമ്പ് ഗ്രേഡ് എസ്ഐ സാജനെയാണ് ആലുവ പൊലീസ് അറസ്റ്റ് ചെയ്തത്. ഈ മാസം സർവ്വീസിൽ നിന്ന് റിട്ടയർ ചെയ്യാനിരിക്കെയാണ് അറസ്റ്റ്.
28 കിലോ കഞ്ചാവുമായി കഴിഞ്ഞയാഴ്ച ഒഡിഷ സ്വദേശികൾ അറസ്റ്റിലായിരുന്നു. പൊലീസ് അന്വേഷണത്തിൽ ഇവർ ആലുവ സ്വദേശികൾക്കായാണ് കഞ്ചാവ് എത്തിക്കുന്നതെന്ന് കണ്ടെത്തിയിരുന്നു.തുടരന്വേഷണത്തിൽ പ്രതി എസ്ഐയുടെ മകനാണെന്നും കണ്ടെത്തി. സാജന്റെ മകൻ നവീൻ ഇതിനോടകം വിദേശത്തേക്ക് കടക്കുകയും ചെയ്തു.
Read more
സാജനം അറസ്റ്റ് ചെയ്യുമെന്ന് പറഞ്ഞ് വളരെ തന്ത്രപരമായാണ് പൊലീസ് നവീനെ നാട്ടിലെത്തിച്ചത്. നാട്ടിലെത്തിയ ശാഷം നവീനെയും പൊലീസ് അറസ്റ്റ് ചെയ്തു.ഇയാളെ ഉടൻ കോടതിയിൽ ഹാജരാക്കും.
