ലോക്ക്ഡൗണില്‍ കുടുങ്ങിപ്പോയ അതിഥി തൊഴിലാളികള്‍ക്കായുള്ള കേരളത്തില്‍ നിന്നുള്ള രണ്ടാമത്തെ ട്രെയിന് ഇന്ന് യാത്ര തിരിക്കും. ജാര്‍ഖണ്ഡിലെ ഹാതിയയിലേക്ക്‌ തിരുവനന്തപുരത്ത്‌ നിന്നാണ്‌ ട്രെയിന് പുറപ്പെടുക. ശനിയാഴ്‌ച ഉച്ചക്ക്‌ രണ്ട്‌ മണിക്ക്‌ ട്രെയിന് യാത്ര തിരിക്കും എന്നാണ്‌ സൂചന.
എറണാകുളം, കോഴിക്കോട്‌, തിരുവനന്തപുരം എന്നിവിടങ്ങളില്‍ നിന്ന്‌ മാത്രമായിരിക്കും കേരളത്തില്‍ നിന്ന്‌ ഇതര സംസ്ഥാനങ്ങളിലേക്ക്‌ ട്രെയിന് . വരും ദിവസങ്ങളില്‍ ഒഡീഷ, അസം, ജാര്‍ഖണ്ഡ്‌ എന്നിവിടങ്ങളിലേക്ക്‌ കൂടുതല്‍ ട്രെയി‌നുകള്‍ ഉണ്ടാവുമെന്നാണ്‌ റിപ്പോര്‍ട്ട്‌. ഓരോ ട്രെയി‌നിലുമായി 1200 തൊഴിലാളികളെ, ശാരീരിക അകലം പാലിച്ചുള്ള മുന്‍കരുതലുകളെടുത്ത്‌ നാട്ടിലേക്ക്‌ എത്തിക്കാനാണ്‌ ശ്രമം.
Read more
വെള്ളിയാഴ്‌ച വൈകിട്ടോടെ അതിഥി തൊഴിലാളികളേയും കൊണ്ടുള്ള ആദ്യ ട്രെയിന് കേരളത്തില്‍ നിന്ന്‌ പുറപ്പെട്ടിരുന്നു. ആലുവ റെയില്‍വേ സ്റ്റേഷനില്‍ നിന്ന്‌ ഒഡിഷയിലെ ഭുവനേശ്വറിലേക്കായിരുന്നു ട്രെയിന്. 1200 ഓളം അതിഥി തൊഴിലാളികളാണ്‌ ഇതിലൂടെ മടങ്ങിയത്‌.
