കഴിഞ്ഞ ദിവസത്തെ സംഘര്‍ഷങ്ങളുടെ ബാക്കിയായി കൊയിലാണ്ടി ഗുരുദേവ കോളേജ് പ്രിന്‍സിപ്പലിന് നേരെ ഭീഷണിയുമായി എസ്എഫ്‌ഐ. എസ്എഫ്‌ഐ നേതാവിനെ ആക്രമിച്ച പ്രിന്‍സിപ്പല്‍ രണ്ടുകാലില്‍ ക്യാമ്പസില്‍ കയറില്ലെന്നാണ് എസ്എഫ്‌ഐയുടെ ഭീഷണി. പറഞ്ഞത് ചെയ്യാനുള്ള കഴിവ് സംഘടനയ്ക്കുണ്ടെന്നും എസ്എഫ്‌ഐ ഏര്യാ കമ്മിറ്റി സെക്രട്ടറി നവതേജ് പറഞ്ഞു.
അധികൃതര്‍ക്ക് സാധിക്കുന്നില്ലെങ്കില്‍ അധ്യാപകരെ എങ്ങനെ കൈകാര്യം ചെയ്യണമെന്ന് എസ്എഫ്‌ഐയ്ക്ക് അറിയാം. ക്യാമ്പസിലേക്ക് നടത്തിയ പ്രതിഷേധ മാര്‍ച്ചിനിടെ ആയിരുന്നു നവതേജിന്റെ ഭീഷണി. ഗുരുദേവ കോളേജിലെ സംഘര്‍ഷത്തെ തുടര്‍ന്ന് ഇരുകൂട്ടര്‍ക്കുമെതിരെ പൊലീസ് നേരത്തെ കേസെടുത്തിരുന്നു.
Read more
കോളേജില്‍ എസ്എഫ്‌ഐയുടെ ഹെല്‍പ്പ് ഡെസ്ക് സ്ഥാപിക്കുന്നതുമായി ബന്ധപ്പെട്ട തര്‍ക്കമാണ് കഴിഞ്ഞ ദിവസം സംഘര്‍ഷത്തില്‍ കലാശിച്ചത്. ക്യാമ്പസിന് പുറത്ത് നിന്നെത്തിയ എസ്എഫ്‌ഐ നേതാക്കള്‍ മര്‍ദ്ദിച്ചെന്നായിരുന്നു പ്രിന്‍സിപ്പല്‍ സുനില്‍ ഭാസ്‌കറിന്റെ പരാതി. പ്രിന്‍സിപ്പല്‍ മര്‍ദ്ദിച്ചെന്ന് ആരോപിച്ച് എസ്എഫ്‌ഐ നേതാവ് അഭിനവും ചികിത്സ തേടിയിരുന്നു.
