ഇരുമ്പുതോട്ടി ഉപയോഗിച്ചു മാങ്ങ പറിക്കുന്നതിനിടയില്‍ വൈദ്യുതി കമ്പിയില്‍ നിന്ന് ഷോക്കേറ്റ് മധ്യവയസ്‌കന്‍ മരിച്ചു. വൈക്കം ടിവി പുരം സ്വദേശി കുഞ്ഞുമണി (62) എന്ന പുരുഷോത്തമന്‍ നായരാണ് മരിച്ചത്.
ഞായറാഴ്ച വൈകിട്ട് നാലരയോടെയായിരുന്നു അപകടം. മാവിന് സമീപത്തെ മറ്റൊരു മരത്തില്‍ കയറി മാങ്ങ പറിക്കുന്നതിനിടെയാണ് അപകടമുണ്ടായത്. ഇരുമ്പു തോട്ടി മുകളിലൂടെ കടന്നുപോകുന്ന 11 കെ വി ലൈനില്‍ നിന്ന് തട്ടുകയായിരുന്നു.
വഴിയാത്രക്കാര്‍ വൈദ്യുതി ലൈനില്‍നിന്ന് തീയാളുന്നത് കണ്ട് ഓടിക്കൂടി കെഎസ്ഇബി അധികൃതരെ വിവരമറിയിച്ച് വൈദ്യുതി വിച്ഛേദിച്ചെങ്കിലും ജീവന്‍ രക്ഷിക്കാനായില്ല.
Read more
അഗ്‌നിശമനസേനയും പൊലീസും നാട്ടുകാരും ചേര്‍ന്ന് മൃതദേഹം താഴെയിറക്കി. വര്‍ഷങ്ങളായി മണ്ണത്താനത്ത് വര്‍ക്ഷോപ്പ് നടത്തിവരികയായിരുന്നു പുരുഷോത്തമന്‍ നായര്‍.
