ട്രോളി ബാഗുമായി ബന്ധപ്പെട്ട് എൻ എൻ കൃഷ്ണദാസ് നടത്തിയ പരാമര്ശത്തെ തള്ളി തള്ളി സിപിഎം സംസ്ഥാന സെക്രട്ടറി എം വി ഗോവിന്ദൻ. ബാഗ് വിഷയത്തിൽ താൻ പറഞ്ഞതാണ് പാർട്ടി നിലപാടെന്നും മറ്റ് അഭിപ്രായ പ്രകടനമൊന്നും പാർട്ടിയുടേത് അല്ലെന്നും എം വി ഗോവിന്ദൻ പറഞ്ഞു. അതേസമയം ട്രോളി ബാഗ് അടഞ്ഞ അധ്യയമല്ലെന്നും എം വി ഗോവിന്ദൻ കൂട്ടിച്ചേർത്തു.
ബാഗ് വിവാദം എൽഡിഎഫിന് വോട്ട് ആകുമെന്നും എംവി ഗോവിന്ദൻ പറഞ്ഞു. ട്രോളി ബാഗ് വിഷയം ഉപേക്ഷിക്കേണ്ട വിഷയമല്ല. ശരിയായി അന്വേഷിക്കേണ്ട വിഷയം തന്നെയാണ്. നീല ബാഗും ചുവന്ന ബാഗും എല്ലാം കുഴൽ പണ വിഷയവുമായി ബന്ധപ്പെട്ടതാണ്. അത് ചർച്ച ചെയ്യേണ്ടതാണ്.
പെട്ടി വിഷയം അടഞ്ഞ അധ്യായമേ അല്ല. അത് മണ്ഡലത്തിലെ പ്രധാന വിഷയമാണ്. ചർച്ച ചെയ്യണം. അതുൾപ്പെടെ ജനകീയ വിഷയങ്ങൾ ചർച്ച ചെയ്യണം. പാർട്ടിയിൽ ഒറ്റ അഭിപ്രായ ഭിന്നതയില്ല. ഒറ്റ അഭിപ്രായമേ ഉള്ളൂ. ഞാൻ ഈ പറഞ്ഞതാണ് പാർട്ടി അഭിപ്രായമെന്നും എംവി ഗോവിന്ദൻ പറഞ്ഞു.
