ഇത്തവണ മാവേലി കേരളത്തിലേക്ക് വരില്ലെന്ന് രമേശ് ചെന്നിത്തല. ഇത്ര ഗതികെട്ട കേരളത്തിലേക്ക് മാവേലി വരില്ലെന്നും കാണം വിറ്റാലും ഓണം ഉണ്ണാന്‍ പറ്റാത്ത അവസ്ഥയാണെന്നും രമേശ് ചെന്നിത്തല പറഞ്ഞു. കൊല്ലത്ത് വിലകയറ്റത്തിനെതിരെ ഐഎന്‍ടിയുസി സംഘടിപ്പിച്ച കളക്ട്രേറ്റ് ധര്‍ണ ഉദ്ഘാടനം ചെയ്ത് സംസാരിക്കുകയായിരുന്നു രമേശ് ചെന്നിത്തല.
പുതുപ്പള്ളിയില്‍ ക്യാപ്റ്റനും ഫോര്‍വേഡുമൊന്നും വിലപ്പോകില്ല. ജനങ്ങള്‍ ശക്തമായ തിരിച്ചടി നല്‍കുമെന്ന ബോധ്യം സിപിഎമ്മിനുണ്ട്. പിണറായിയോ മന്ത്രിമാരോ ക്യാമ്പ് ചെയ്ത് പ്രവര്‍ത്തിക്കില്ല. ഏത് മന്ത്രിക്കാണ് ഇവിടെ അഡ്രസ്സ് ഉള്ളതെന്നും ജനങ്ങള്‍ക്ക് അറിയാവുന്ന മന്ത്രിമാര് ആരാണ് ഈ മന്ത്രിസഭയില്‍ ഉള്ളത്. തൃക്കാക്കരയില്‍ കാണിച്ച പൊള്ളത്തരം ഇവിടെ നടക്കില്ല.
എന്‍എസ്എസിന്റെ സമദൂരത്തില്‍ യുഡിഎഫിന് ഒരു പരാതിയുമില്ല. എല്ലാ കാലത്തും എന്‍എസ്എസ് സമദൂര നിലപാടാണ് എടുത്തിട്ടുള്ളത്. പുതുപ്പള്ളിയില്‍ യുഡിഎഫ് ചരിത്ര വിജയം നേടുമെന്നും രമേശ് ചെന്നിത്തല പറഞ്ഞു.
Read more
പുതുപ്പള്ളിയിലെ എല്‍ഡിഎഫ് സ്ഥാനാര്‍ത്ഥി ജെയ്ക്ക് സി തോമസ് എന്‍എസ്എസ് ജനറല്‍ സെക്രട്ടറി സുകുമാരന്‍ നായരിനെ സന്ദര്‍ശിച്ചതിനെ ന്യായീകരിച്ച് സിപിഎം സംസ്ഥാന സെക്രട്ടറി എംവി ഗോവിന്ദന്‍ രംഗത്തെത്തിയിരുന്നു. സിപിഎമ്മിന് എന്‍എസ്എസിനോടല്ല അരോടും പിണക്കമില്ലെന്നും സ്ഥാനാര്‍ത്ഥിയുടെ സന്ദര്‍ശനത്തെ തിണ്ണനിരങ്ങലായി കണക്കാകേണ്ടെന്നും എംവി ഗോവിന്ദന്‍ പ്രതികരിച്ചു.
