തിരുവനന്തപുരത്ത് നിന്ന് കാണാതായ മൂന്ന് സ്‌കൂള്‍ വിദ്യാര്‍ത്ഥിനികളെ കണ്ടെത്തി. പട്ടം കേന്ദ്രീയ വിദ്യാലയത്തിലെ വിദ്യാര്‍ത്ഥിനികളെയാണ് കാണാതായതായി പരാതി നല്‍കിയത്. മൂവര്‍ക്കുമായി പൊലീസ് അന്വേഷണം തുടരുന്നതിനിടെ വിദ്യാര്‍ത്ഥിനികള്‍ സ്‌കൂളില്‍ തിരികെ എത്തുകയായിരുന്നു. മൂന്ന് പേരും ഒന്‍പതാം ക്ലാസ് വിദ്യാര്‍ത്ഥിനികളാണ്.
മൂവരെയും ഇന്ന് ഉച്ചയോടെ കാണാതാകുകയായിരുന്നു. 14 വയസാണ് മൂന്ന് വിദ്യാര്‍ത്ഥിനികള്‍ക്കും. മൂവരും 12.30ന് ആരംഭിക്കുന്ന ക്ലാസിനായി ബസിലെത്തിയ ശേഷം സ്‌കൂളില്‍ പ്രവേശിച്ചില്ല. സ്‌കൂള്‍ ബസില്‍ എത്തിയ മൂവരും പട്ടത്ത് ഇറങ്ങിയതായി വിവരം ലഭിച്ചു. മൂവരും ക്ലാസില്‍ എത്താതിരുന്നതിനെ തുടര്‍ന്ന് അദ്ധ്യാപകര്‍ മാതാപിതാക്കളെ വിവരം അറിയിക്കുകയായിരുന്നു.
Read more
ഇതേ തുടര്‍ന്ന് രക്ഷിതാക്കള്‍ മെഡിക്കല്‍ കേളേജ് പൊലീസില്‍ പരാതി നല്‍കി. സംഭവത്തില്‍ കേസെടുത്ത് പൊലീസ് അന്വേഷണം ആരംഭിച്ചിരുന്നു. ഇതിനിടെയാണ് കുട്ടികള്‍ സ്‌കൂളില്‍ തിരിച്ചെത്തിയത്.
