വനിതാ സംവരണ ബില്ലുമായി ബന്ധപ്പെട്ട് രാജ്യ സഭയിൽ നടത്തിയ പ്രസ്താവനയിൽ വിശദീകരണവുമായി അബ്ദുൾ വഹാബ് എംപി. മുത്തലാക്കിൽ ബി ജെ പിക്ക് മുസ്ലീം വനിതകളുടെ പിന്തുണ ലഭിച്ചെന്ന് പറഞ്ഞത് പരിഹാസ രൂപത്തിൽ ആയിരുന്നു എന്നാണ് വിശദീകരണം. അങ്ങനെ പിന്തുണ ലഭിച്ചെങ്കിൽ വനിതാ സംവരണത്തിൽ മുസ്ലിം സ്ത്രീകൾക്കും സംവരണം അനുവദിക്കൂ എന്നാണ് പറഞ്ഞതെന്നും എംപി വ്യക്തമാക്കി.
രാജ്യസഭയിലെ തന്‍റെ പരാമർശം വളച്ചൊടിക്കുകയായിരുന്നു. മുസ്ലിം സ്ത്രീകളിൽ നിന്ന് പിന്തുണ ലഭിച്ചെന്നത് ബിജെപിയുടെ അവകാശവാദമാണ്. വനിതാ സംവരണം യാഥാർത്ഥ്യമാകുന്നത് കോഴിക്ക് മുല വരും എന്ന് പറയുന്നതുപോലെയാണ്.സെൻസസും മണ്ഡല പുനർനിർണയവും നടത്തിയ ശേഷമേ സംവരണത്തെക്കുറിച്ച് ചർച്ച ചെയ്യാനാകൂ.2034ൽ വനിത സംവരണം വരുമോ എന്നത് സംശയമാണ്.ആത്മാർത്ഥതയുണ്ടെങ്കിൽ 2024ല്‍ തന്നെ ബിജെപിക്ക് ഇത് യാഥാർത്ഥ്യമാക്കാൻ ആവുന്നതേയുള്ളൂ. അബ്ദുൾ വഹാബ് എംപി പറഞ്ഞു.
Read more
ഒറ്റരാത്രി കൊണ്ടാണ് ജമ്മുകശ്മീരിന്‍റ പ്രത്യേക പദവി റദ്ദാക്കിയതെന്നും അബ്ദുൾ വഹാബ് എംപി ചൂണ്ടിക്കാട്ടി. കഴിഞ്ഞദിവസം വനിത സംവരണ ബില്ലിന്‍റെ ചര്‍ച്ചയില്‍ പങ്കെടുക്കുമ്പോഴായിരുന്നു മുത്തലാഖുമായി ബന്ധപ്പെട്ട വഹാബിന്‍റെ പരാമര്‍ശം. ഇത് വലിയ വിവാദമായ സാഹചര്യത്തിലാണ് വിശദീകരണവുമായി എം പി രംഗത്ത് വന്നത്.
