ഹരിയാന നിയമസഭാ തിരഞ്ഞെടുപ്പിനുള്ള രണ്ടാം സ്ഥാനാർത്ഥി പട്ടിക ബിജെപി പുറത്തുവിട്ടു. 21 സ്ഥാനാർത്ഥികളടങ്ങുന്ന പട്ടികയാണ് പുറത്തുവിട്ടത്. ഗുസ്‌തി താരം വിനേഷ് ഫോഗട്ടിനെതിരേ മത്സരിക്കുക ബിജെപി യുവനേതാവ് ക്യാപ്റ്റൻ യോഗേഷ് ബൈരാഗിയാണ്.
ജുലാനയിലാണ് ഇരുവരും തമ്മിൽ മത്സരിക്കുക. വിനേഷ് ഫോഗാട്ടിനെതിരെ മത്സരിക്കുന്ന ഭാരതീയ ജനതാ യുവ മോർച്ചയുടെ ഉപാധ്യക്ഷനും ബിജെപി ഹരിയാന കായിക വകുപ്പിൻ്റെ കൺവീനറുമാണ് യോഗേഷ് ബൈരാഗി. അതേസമയം സിറ്റിങ് എംഎൽഎമാരിൽ പലരേയും ഒഴിവാക്കിക്കൊണ്ടുള്ള രണ്ടാം ഘട്ട പട്ടികയാണ് ബിജെപി പുറത്തുവിട്ടത്.
भाजपा की केंद्रीय चुनाव समिति ने आगामी हरियाणा विधानसभा चुनाव 2024 के लिए निम्नलिखित नामों पर अपनी स्वीकृति प्रदान की। pic.twitter.com/XTg6Kt37eB
— BJP (@BJP4India) September 10, 2024
ഗനൗറിലെ എംഎൽഎ നിർമൽ റാണിയ്ക്ക് പരം ദേവേന്ദ്ര കൗശിക്കിനാണ് അവസരം നൽകിയിരിക്കുന്നത്. റായിൽ നിന്നുള്ള സിറ്റിങ് എംഎൽഎയും ബിജെപി സംസ്ഥാന അധ്യക്ഷനുമായ മോഹൻ ലാൽ ബധോലിയെ ഒഴിവാക്കി കൃഷ്ണ ഗെഹ്ലാവതിനാണ് അവസരം നൽകിയിരിക്കുന്നത്. അതേസമയം പട്ടൗടിയിൽ നിന്നുള്ള സിറ്റിങ് എംഎൽഎ സത്യപ്രകാശ്, ബദ്കലിൽ നിന്നുള്ള എംഎൽഎ സീമാ ത്രിക എന്നിവരേയും പട്ടികയിൽ നിന്ന് ഒഴിവാക്കിയിട്ടുണ്ട്.
