മുംബൈയിലെ ധാരവി പ്രദേശത്ത് നിന്ന് ആദ്യത്തെ കൊറോണ വൈറസ് കേസ് റിപ്പോർട്ട് ചെയ്യപ്പെട്ടു. 56 കാരനായ രോഗി സിയോൺ ആശുപത്രിയിൽ ചികിത്സയിലാണ്.
അദ്ദേഹത്തിന്റെ കുടുംബത്തിലെ എട്ട് മുതൽ 10 വരെ അംഗങ്ങൾക്ക് സമ്പർക്കവിലക്ക്‌ ഏർപ്പെടുത്തി. രോഗി താമസിച്ചിരുന്ന കെട്ടിടത്തിന് അധികൃതർ മുദ്രവെക്കുകയും കുടുംബത്തിലെ അംഗങ്ങൾക്ക് പുറത്തിറങ്ങാൻ കഴിയാത്തതിനാൽ ഭക്ഷണവും മറ്റ് ആവശ്യങ്ങളും നൽകുവാൻ ആരംഭിക്കുകയും ചെയ്തു. രോഗി ആരൊക്കെയായി സമ്പർക്ക പുലർത്തിയിട്ടുണ്ടെന്ന് അനേഷിച്ചുവരികയാണ്.
Read more
613 ഹെക്ടറിൽ 15 ലക്ഷത്തിലധികം ആളുകൾ തിങ്ങിപ്പാർക്കുന്ന മുംബൈയിലെ ജനസാന്ദ്രത കൂടിയ പ്രദേശമാണ് ധാരാവി. പ്രദേശത്ത് രോഗം പടരാതിരിക്കാൻ ജാഗ്രത പാലിക്കുന്നുണ്ടെന്ന് ഔദ്യോഗിക പ്രസ്താവനയിൽ പറയുന്നു.
