ബിഎസ്പി സ്ഥാനാര്‍ഥിയെ പരസ്യമായി അധിക്ഷേപിച്ച് പിലിബത്ത് ബിജെപി സ്ഥാനാര്‍ഥിയായ വരുണ്‍ ഗാന്ധി. അമ്മയും കേന്ദ്ര മന്ത്രിയുമായ മേനക ഗാന്ധിയുടെ മണ്ഡലമായ സുല്‍ത്താന്‍ പൂരില്‍ തെരഞ്ഞെടുപ്പ് റാലിയ്ക്കിടെയാണ് ചന്ദ്ര ഭദ്ര സിംഗിനെതിരെ വരുണ്‍ സംസാരിച്ചത്.
ആത്മാഭിമാനമില്ലാത്ത മനുഷ്യരെല്ലാം മരിച്ചതിന് തുല്യരാണ്. ജനങ്ങളേ നിങ്ങള്‍ ദൈവത്തെയല്ലാതെ മറ്റാരെയും ഭയപ്പെടേണ്ടതില്ല. ആര്‍ക്കും നിങ്ങളെ ഒന്നും ചെയ്യാന്‍ കഴിയില്ല. കാരണം ഞാനിവിടെയുണ്ട്. ഞാന്‍ സഞ്ജയ് ഗാന്ധിയുടെ മകനാണ് എന്റെ ഷൂ ലേസ് അഴിക്കാനുള്ള യോഗ്യതയെ അത്തരക്കാര്‍ക്ക് ഉള്ളൂ. ആര്‍ക്കും എന്നോട് ശബ്ദമുയര്‍ത്തി സംസാരിക്കാന്‍ പോലുമുള്ള ധൈര്യമില്ല. വരുണ്‍ പറഞ്ഞു.
ജനങ്ങള്‍ പാപങ്ങളെക്കുറിച്ച് ഭയന്നാല്‍ മതി അല്ലാതെ ടോനുവിനെയും സോനുവിനെയും പേടിക്കേണ്ടതില്ലെന്നും വരുണ്‍ കൂട്ടിച്ചേര്‍ത്തു. ചന്ദ്ര ഭദ്ര സിംഗിന്റെ സനു സിംഗ് എന്ന വിളിപ്പേരിനെ ചൂണ്ടിക്കാണിച്ചായിരുന്നു വരുണിന്റെ പരിഹാസം.
#WATCH BJP LS candidate from Pilibhit, Varun Gandhi in Sultanpur says, "Mai ek hi cheez aapko kehna chahta hoon, kisi se darne ki koi zarurat nahi hai….Mai khada hoon yaha pe, mai Sanjay Gandhi ka ladka hoon, mai in logon se apne jute khulvata hoon" (2.4.19) pic.twitter.com/LnA8kVDivu
— ANI UP (@ANINewsUP) May 4, 2019
Read more
