മണിപ്പൂരിൽ ഉടനീളം ഭക്ഷണം, മരുന്നുകൾ മറ്റ് അവശ്യവസ്തുക്കൾ എന്നിവയുടെ സുഗമമായ വിതരണം ഉറപ്പാക്കണമെന്ന് കേന്ദ്ര-സംസ്ഥാന സർക്കാരുകളോട് സുപ്രീം കോടതി. ദേശീയപാതകളിലെ ഗതാഗത തടസം നീക്കംചെയ്യാനുള്ള നടപടി സ്വീകരിക്കണമെന്നും കോടതി ഉത്തരവിട്ടു.
മണിപ്പൂരുമായി ബന്ധപ്പെട്ട ഹർജികൾ പരിഗണിക്കവേയാണ് ചീഫ് ജസ്റ്റീസ് അധ്യക്ഷനായ ബെഞ്ചാണ് ഇക്കാര്യങ്ങൾ പറഞ്ഞത്. സുപ്രീംകോടതി നിയോഗിച്ച ഗീതാ മിത്തൽ കമ്മിറ്റി സമർപ്പിച്ച റിപ്പോർട്ടിന്റെ അടിസ്ഥാനത്തിലായിരുന്നു കോടതി നിർദേശം. പ്രശ്ന ബാധിത ഇടങ്ങളിൽ ഹെലികോപ്റ്റർ വഴി എങ്കിലും അവശ്യവസ്തുക്കൾ എത്തിക്കണമെന്നും സുപ്രീംകോടതി ഉത്തരവിൽ പറയുന്നു.
Read more
അതേസമയം, മണിപ്പൂരിൽ സംഘർഷം തുടരുകയാണ്. മൂന്ന് ദിവസത്തിനിടെ ആറ് പേരാണ് കൊല്ലപ്പെട്ടത്. 18 പേർക്ക് പരിക്കേറ്റിട്ടുണ്ട്. ചൂരാചന്ദ്പൂർ – ബിഷ്ണുപൂർ അതിർത്തിയിൽ മെയ്‌തേയ്- കുകി വെടിവെയ്പ്പ് തുടരുകയാണ്.
