ഗുജറാത്ത് തെരഞ്ഞെടുപ്പില് കോണ്ഗ്രസിന്റെ പിന്തുണവേണ്ടെന്നുറച്ച് സ്വതന്ത്രമായി മത്സരിക്കാനുള്ള ദളിത് നേതാവ് ജിഗ്നേഷ് മേവാനിക്ക് തെരഞ്ഞെടുപ്പ് പ്രചരണത്തിനായി മൂന്ന് ലക്ഷം രൂപ സംഭാവന ചെയ്ത് പ്രമുഖ സാഹിത്യകാരി അരുന്ധതി റോയ്. ബിജെപി, കോണ്ഗ്രസ് എന്നീ വമ്പന് പാര്ട്ടികളോട് മുട്ടി നില്ക്കുന്നതിനുള്ള തെരഞ്ഞെടുപ്പ് പ്രചരണത്തിനായി ക്രൗഡ്ഫണ്ടിങ് കാംപയിന് നടത്തുന്നതിനിടയിലാണ് അരുന്ധതി റോയ് വമ്പന് സംഭാവന നല്കിയത്.
പത്ത് ദിവസം മുമ്പ് മാത്രം ആരംഭിച്ച ക്രൗഡ്ഫണ്ടിങ് കാംപെയിനില് നൂറും മുതലുള്ള സംഖ്യ തെരഞ്ഞെടുപ്പ് പ്രചരണത്തിനായി സംഭാന നല്കാം. ഒന്പത് ലക്ഷം രൂപയാണ് ഇതുവരെ ക്രൗഡ്ഫണ്ടിങ്ങലൂടെ ദളിത് മുന്നേറ്റത്തിന് പുതിയ പാത തെളിക്കുന്ന ജിഗ്നേഷ് മേവാനിക്ക് ലഭിച്ചത്. സംഭാവനയ്ക്ക് നന്ദിയറിച്ചുകൊണ്ട് കഴിഞ്ഞ ദിവസം മേവാനി ഫെയ്സ്ബുക്കില് പോസ്റ്റിട്ടു.
Read more
ജാതി വിവേചനത്തിനും അരികുവല്ക്കരണത്തിനുമെതിരേ പോരാടാനുള്ള തന്റെ കാംപെയിന് സംഭാവന നല്കണമെന്ന് മേവാനി അഭ്യാര്ത്ഥിച്ചിരുന്നു. കോണ്ഗ്രസിന്റെ സിറ്റിങ് സീറ്റായ വാദ്ഗാം മണ്ഡലത്തില് സ്വതന്ത്രനായി മത്സരിക്കുമെന്ന് മേവാനി കഴിഞ്ഞ ദിവസം പ്രഖ്യാപിച്ചിരുന്നു.