ജമ്മു കാശ്മീരിലെ പുല്‍വാമ സൈനിക ക്യാമ്പിനുനേരെയുണ്ടായ ഭീകരാക്രമണത്തില്‍ മരിച്ച സൈനികരുടെ എണ്ണം നാലായി.മൂന്ന് ഭീകരരെ സൈന്യം വധിച്ചു. ഇന്ന് പുലര്‍ച്ചെയാണ് ഭീകരാക്രമണം ഉണ്ടായത്. അവന്തിപുരയിലെ സി ആര്‍ പി എഫ് 185-ാം ബറ്റാലിയന്‍ പരിശീലന കേന്ദ്രത്തിന് നേരെ ഭീകരര്‍ വെടിയുതിര്‍ക്കുകയായിരുന്നു.
ഭീകരാക്രമണത്തിനു നേരെ സൈന്യം ശക്തമായി തിരിച്ചടിച്ചതായി സൈനികവക്താവ് അറിയിച്ചു. പരിക്കേറ്റ ജവാന്മാരെ ആശുപത്രിയില്‍ പ്രവേശിപ്പിച്ചിരിക്കുകയാണ്. മേഖലയില്‍ സൈന്യവും ഭീകരരും തമ്മില്‍ ഏറ്റുമുട്ടല്‍ തുടരുകയാണ്. പുതുവര്‍ഷപ്പിറവിക്ക് മുന്നോടിയുണ്ടായ ആക്രമണത്തെ തുടര്‍ന്ന് അതിര്‍ത്തിയില്‍ സുരക്ഷ ശക്തമാക്കിയിട്ടുണ്ട്.
Read more
ആക്രമണത്തിനു പിന്നില്‍ ജയ്ഷ ഇ മുഹമ്മദ് ഭീകരാണെന്നാണ് സൂചന. കഴിഞ്ഞയാഴ്ച ജയ്ഷ ഇ മുഹമ്മദ് കമാന്‍ഡര്‍ നൂര്‍ മുഹമ്മദ് ടാന്‍ട്രെ സൈന്യവുമായുണ്ടായ ഏറ്റുമുട്ടലില്‍ കൊല്ലപ്പെട്ടിരുന്നു. ഇതിന് മറുപടിയെന്നോണമാണ് ഇപ്പോള്‍ ഭീകരര്‍ ആക്രമണം നടത്തിയിരിക്കുന്നത്.
