മോദിയുടെ മേഘസിദ്ധാന്തത്തെ പരിഹസിച്ച് ബോളിവുഡ് നടിയും കോണ്‍ഗ്രസ് സ്ഥാനാര്‍ത്ഥിയുമായ ഊര്‍മ്മിള മണ്ഡോദ്കര്‍. വളര്‍ത്തുനായയുടെ ചിത്രത്തിനൊപ്പമാണ് മോദിയുടെ പേരെടുത്ത് പറയാതെ പരിഹസിച്ചു കൊണ്ട് ഊര്‍മ്മിള ട്വീറ്റ് ചെയ്തത്.
തെളിഞ്ഞ ആകാശത്തിന് ദൈവത്തിനു നന്ദി. എന്റെ അരുമയായ റോമിയോയ്ക്ക് കൃത്യമായി റഡാര്‍ സിഗ്നലുകള് ലഭിക്കുന്നുണ്ട് എന്നായിരുന്നു ഊര്‍മ്മിളയുടെ ട്വീറ്റ്. പട്ടിക്കുട്ടിക്കൊപ്പമുള്ള ചിത്രവും ഊര്‍മ്മിള ട്വീറ്റ് ചെയ്തിട്ടുണ്ട്.
Read more
ഒരു വാര്‍ത്താചാനലിനു നല്‍കിയ അഭിമുഖത്തിലാണ് പ്രധാനമന്ത്രി നരേന്ദ്രമോദി ബാലാക്കോട്ട് ആക്രമണത്തെ കുറിച്ചു വെളിപ്പെടുത്തല്‍ നടത്തിയത്. മേഘങ്ങളും മഴയുമുള്ളപ്പോള്‍ പാകിസ്ഥാന്റെ റഡാറുകളില്‍ നിന്ന് വിമാനങ്ങളെ മറയ്ക്കാന്‍ കഴിയുമെന്നും ആക്രമണത്തിന് ഉചിതമായ സമയം ഇതു തന്നെയാണെന്നു നിര്‍ദേശം നല്‍കിയതായും മോദി അവകാശപ്പെട്ടു. ഇതാണ് വലിയ വിമര്‍ശനങ്ങള്‍ക്ക് കാരണമായത്.
