പോളണ്ട് യുക്രൈന് യുദ്ധവിമാനം നല്‍കിയാല്‍ പകരം വിമാനം നല്‍കുമെന്ന് അമേരിക്കന്‍ സെക്രട്ടറി ഓഫ് സ്റ്റേറ്റ് ആന്റണി ബ്ലിങ്കെന്‍. റഷ്യയെ പ്രതിരോധിക്കാന്‍ ഉക്രൈന് യുദ്ധവിമാനങ്ങള്‍ നല്‍കുന്നതിന് പോളണ്ടുമായി ചില ധാരണകളിലെത്താന്‍ തങ്ങള്‍ ചര്‍ച്ചകള്‍ നടത്തുകയാണെന്ന് മോള്‍ഡോവ സന്ദര്‍ശനത്തിനിടെ ബ്ലിങ്കെന്‍ മാധ്യമങ്ങളോട് പറഞ്ഞു.
പോളണ്ട് ഉക്രൈന് യുദ്ധവിമാനങ്ങള്‍ നല്‍കുന്നതിനുള്ള സാധ്യതകളെക്കുറിച്ച് ഞങ്ങള്‍ ഇപ്പോള്‍ സജീവമായി ചിന്തിക്കുകയാണ്. റഷ്യന്‍ നിര്‍മിത വിമാനങ്ങള്‍ ഉക്രൈന് നല്‍കാന്‍ പോളണ്ട് തീരുമാനിച്ചാല്‍ അവര്‍ക്ക് പകരം വിമാനങ്ങള്‍ നല്‍കാന്‍ ഞങ്ങള്‍ക്ക് കഴിയുമോയെന്ന് പരിശോധിക്കുന്നുണ്ടെന്നും അദ്ദേഹം പറഞ്ഞു.
പോളണ്ട് സോവിയറ്റ് കാലഘട്ടത്തിലെ യുദ്ധവിമാനങ്ങള്‍ ഉക്രൈന് നല്‍കാന്‍ അമേരിക്കയും പോളണ്ടും ഒരുമിച്ച് പ്രവര്‍ത്തിക്കുന്നുണ്ടെന്ന് ഒന്നിലധികം വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു. ഉക്രൈനിയന്‍ സൈനിക പൈലറ്റുമാര്‍ക്ക് റഷ്യന്‍ നിര്‍മ്മിത യുദ്ധവിമാനങ്ങളില്‍ പരിശീലനം ലഭിച്ചിട്ടുണ്ട്.
അതിനിടെ, ഉക്രൈന് പോരാട്ടം നിര്‍ത്തിയാന്‍ മാത്രമേ സൈനിക നടപടി അവസാനിപ്പിക്കൂവെന്ന് റഷ്യന്‍ പ്രസിഡന്റ് വ്ളാഡിമിര്‍ പുടിന്‍. തുര്‍ക്കി പ്രസിഡന്റ് തയിപ് എര്‍ദോഗനുമായുള്ള സംഭാഷണത്തിലാണ് പുടിന്‍ നിലപാട് ആവര്‍ത്തിച്ചത്.
Read more
മുന്‍ കൂട്ടി ആസൂത്രണം ചെയ്തും കൃത്യമായ പദ്ധതിയിലുമാണ് ഞങ്ങള്‍ നീങ്ങുന്നത്. ഉക്രൈന് പ്രതിനിധികള്‍ സമാധാന ചര്‍ച്ചകളില്‍ ക്രിയാത്മക സമീപനം സ്വകീരിക്കുമെന്നാണ് കരുതുന്നതെന്നും പുടിന്‍ പറഞ്ഞു.
