ബോര്‍ഡര്‍-ഗവാസ്‌കര്‍ ട്രോഫി കൈവിട്ട ഇന്ത്യ വരാനിരിക്കുന്ന ചാമ്പ്യന്‍സ് ട്രോഫിയിലൂടെ ഒരു ഉയിര്‍ത്തെഴുന്നേല്‍പ്പിന് ശ്രമിക്കുകയാണ്. റെഡ് ബോളിലെ പരുക്കന്‍ ഔട്ടിംഗിന് ശേഷം ചില മുതിര്‍ന്ന താരങ്ങളെ ഏകദിന ടീമില്‍ ഉള്‍പ്പെടുത്തുന്നത് സംബന്ധിച്ച് ഊഹാപോഹങ്ങളുണ്ട്. രോഹിത് ശര്‍മ്മ, വിരാട് കോഹ്ലി തുടങ്ങിയ താരങ്ങള്‍ ഓസ്ട്രേലിയയില്‍ മറക്കാനാകാത്ത ഔട്ടിംഗിന് ശേഷം സ്‌കാനിംഗിലാണ്.
ഇതിനിടയില്‍, മുന്‍ ഇന്ത്യന്‍ ക്രിക്കറ്റ് താരം ആകാശ് ചോപ്ര ചാമ്പ്യന്‍സ് ട്രോഫിക്കുള്ള ഇന്ത്യന്‍ ടീമിനെ തിരഞ്ഞെടുത്തു. സൂര്യകുമാര്‍ യാദവിനെയും സഞ്ജു സാംസണെയും ഒഴിവാക്കി പകരം ശ്രേയസ് അയ്യരെ താരം തന്റെ ടീമിലേക്ക് തിരഞ്ഞെടുത്തു.
സൂര്യകുമാര്‍ യാദവ് ഈ ടീമിന്റെ ഭാഗമാകില്ലെന്ന് എനിക്ക് തോന്നുന്നു. അവന്‍ യഥാര്‍ത്ഥത്തില്‍ ഏകദിനം കളിക്കുന്നില്ല, വിജയ് ഹസാരെയില്‍ റണ്‍സ് നേടിയിട്ടു്മില്ല. സഞ്ജു സാംസണും കളിച്ചിട്ടില്ല. അതിനാല്‍ അവരുടെ പേര് വരാന്‍ പോകുന്നില്ല. പക്ഷേ ശ്രേയസ് അയ്യര്‍ 15 ഇന്നിംഗ്സുകളില്‍ 112 സ്ട്രൈക്ക് റേറ്റിലും 52 ശരാശരിയിലും രണ്ട് സെഞ്ച്വറികളുടെ അകമ്പടിയില്‍ 620 റണ്‍സ് നേടിയിട്ടുണ്ട്.
ഞാന്‍ ശാര്‍ദുല്‍ താക്കൂറിനെയും ഒഴിവാക്കും. ജസ്പ്രീത് ബുംറ, മുഹമ്മദ് സിറാജ്, മുഹമ്മദ് ഷമി, അര്‍ഷ്ദീപ് സിംഗ് എന്നിവരെ കളിപ്പിക്കാം. ജസ്പ്രീത് ബുംറയെക്കുറിച്ച് പറയേണ്ടതില്ല. മുഹമ്മദ് ഷമി ഫിറ്റാണെങ്കില്‍ 100 ശതമാനവും കളിപ്പിക്കണം. ഇംഗ്ലണ്ടിനെതിരെയും അവന്‍ കളിക്കണം- ചോപ്ര കൂട്ടിച്ചേര്‍ത്തു.
ചാമ്പ്യന്‍സ് ട്രോഫിക്കുള്ള ആകാശ് ചോപ്രയുടെ ഇന്ത്യന്‍ ടീം:
രോഹിത് ശര്‍മ (സി), ശുഭ്മാന്‍ ഗില്‍, യശസ്വി ജയ്സ്വാള്‍, വിരാട് കോഹ്ലി, ശ്രേയസ് അയ്യര്‍, കെ എല്‍ രാഹുല്‍, ഋഷഭ് പന്ത്, ഹാര്‍ദിക് പാണ്ഡ്യ, രവീന്ദ്ര ജഡേജ, അക്‌സര്‍ പട്ടേല്‍, കുല്‍ദീപ് യാദവ്, ജസ്പ്രീത് ബുംറ, മുഹമ്മദ് സിറാജ്, മുഹമ്മദ് ഷമി, അര്‍ഷ്ദീപ് സിംഗ്.
