ധോണിയുടെ തൊപ്പിയിൽ അത് കണ്ടതിന് ശേഷം എനിക്കും ആ ആഗ്രഹം ഉണ്ടായി, കെഎൽ രാഹുൽ പറയുന്നത് ഇങ്ങനെ

By
സ്പോര്‍ട്സ് ഡെസ്ക്
|

എംഎസ് ധോണിക്ക് നിരവധി ആരാധകരുണ്ട്. അതിൽ സാധാരണക്കാരായ ക്രിക്കറ്റ് പ്രേമികൾ മാത്രമല്ല ലോക പ്രശസ്തരായ ക്രിക്കറ്റ് താരങ്ങൾ വരെ അതിൽ ഉൾപ്പെടുന്നു. ധോണിയുടെ ഐതിഹാസിക കരിയർ ഇന്ത്യൻ, അന്തർദേശീയ ക്രിക്കറ്റ് താരങ്ങൾക്ക് പ്രചോദനമായിട്ടുണ്ട്. ലഖ്‌നൗ സൂപ്പർ ജയൻ്റ്‌സിൻ്റെ ക്യാപ്റ്റൻ കെ എൽ രാഹുലാണ് ധോണിയുടെ അത്തരത്തിലുള്ള ഒരു ആരാധകൻ ആണ്.

ഇന്ന് ടേബിൾ ടോപ്പർമാരായ രാജസ്ഥാൻ റോയൽസിനെതിരായ എൽഎസ്ജിയുടെ മത്സരത്തിന് മുന്നോടിയായി, രാഹുൽ ധോണിയുമായി ബന്ധപ്പെട്ട കാര്യങ്ങൾ തുറന്നു പറയുക ആയിരുന്നു. താരം ധോണിയെ എത്രത്തോളം ആരാധിക്കുന്നു എന്നത് രാഹുൽ പറഞ്ഞ വാക്കുകളിലൂടെ വ്യക്തമായി മനസിലാകും.

അദ്ദേഹം പറഞ്ഞത് ഇങ്ങനെ :

ഐപിഎൽ ആരംഭിച്ചപ്പോൾ ഞങ്ങൾ എല്ലാവരും ചെറുപ്പക്കാർ ആയിരുന്നു, ഇത് എന്തൊരു വലിയ പ്ലാറ്റ്‌ഫോമാണ്, എന്ത് വലിയ സ്കെയിൽ ക്രിക്കറ്റ് ആണ്, ആളുകൾ അതിന് എത്രമാത്രം സ്‌നേഹം നൽകുന്നു, ഐപിഎൽ എത്രമാത്രം വിനോദമാണ്, അവർ അത് എത്രമാത്രം ആസ്വദിക്കുന്നു. അതാണ് നിങ്ങളെ ഐപിഎല്ലിൽ കളിക്കാൻ പ്രേരിപ്പിക്കുന്നത്.

“എന്നാൽ കളിക്കാൻ തുടങ്ങിയ ശേഷം ഞാൻ ഞാൻ മറ്റ് ടീമുകളെ ശ്രദ്ധിക്കാൻ തുടങ്ങി. ഞാൻ എംഎസ് ധോണിയെ നോക്കാറുണ്ടായിരുന്നു, അദ്ദേഹത്തിൻ്റെ തൊപ്പിയിൽ നമ്പർ 1 എഴുതിയത് കണ്ടു. അതായത് സിഎസ്‌കെയുടെ ആദ്യ കളിക്കാരൻ. അതിനാൽ ഞങ്ങളുടെ ബാച്ചിലെ ക്രിക്കറ്റ് താരങ്ങൾ, ഒരു ടീമിലെ ആദ്യ കളിക്കാരനാകാനുള്ള അവസരം ഞങ്ങൾക്ക് ലഭിക്കില്ലെന്ന് ഞങ്ങൾ എപ്പോഴും കരുതിയിരുന്നു. അങ്ങനെ ഐപിഎല്ലിൽ ലഖ്‌നൗ ടീം വന്നപ്പോൾ, അവർക്ക് വേണ്ടി കളിക്കാൻ എനിക്ക് താൽപ്പര്യമുണ്ടോ, ടീമിൻ്റെ ക്യാപ്റ്റൻ എന്ന് ചോദിച്ച് അവർ എന്നെ വിളിച്ചപ്പോൾ, എന്റെ ആഗ്രഹം ധോണിയെ പോലെ തൊപ്പിയിൽ നമ്പർ 1 എന്ന് വേണം എന്നായിരുന്നു. ലഖ്‌നൗവിന് വേണ്ടി അവരുടെ ഭാഗമാകുന്ന ആദ്യ കളിക്കാരൻ ഞാൻ ആകുമെന്നത് ഉറപ്പായിരുന്നു.” രാഹുൽ കൂട്ടിച്ചേർത്തു.

ലഖ്‌നൗ സൂപ്പർ ജയൻ്റ്‌സ് ഈ സീസണിലെ രണ്ട് മത്സരങ്ങളിലും ചെന്നൈ സൂപ്പർ കിംഗ്‌സിനെ പരാജയപ്പെടുത്തിയിരുന്നു.
ബാറ്റ്‌സ്മാൻ എന്ന നിലയിലും കളിക്കളത്തിൽ ലീഡർ എന്ന നിലയിലും രാഹുലിൻ്റെ അനുഭവസമ്പത്തും നേതൃപാടവവും ലഖ്‌നൗ സൂപ്പർ ജയൻ്റ്‌സിന് വിലമതിക്കാനാവാത്തതാണ്.