ഓസ്ട്രേലിയന്‍ ക്രിക്കറ്റ് ടീം മുന്‍ പേസര്‍ മിച്ചല്‍ ജോണ്‍സണ്‍ ഇപ്പോള്‍ ലെജന്‍ഡ്സ് ലീഗ് ക്രിക്കറ്റിനായി ഇന്ത്യയിലെത്തിയിരിക്കുകയാണ്. ജാക്ക് കാലിസിന്റെ നേതൃത്വത്തിലുള്ള ഇന്ത്യ ക്യാപിറ്റല്‍സിനായിട്ടാണ് അദ്ദേഹം കളിക്കുന്നത്. താരം ഇപ്പോള്‍ ലഖ്‌നൗവിലാണ് താമസിക്കുന്നത്. ഹോട്ടല്‍ മുറിയില്‍ താരം രസകരമായ ഒരു ഏറ്റുമുട്ടല്‍ നടത്തി.
താരത്തിന്റെ മുറിയില്‍ പാമ്പുകയറി. ലക്‌നൗവിലെ ഹോട്ടല്‍ മുറിയില്‍ കയറിയ പാമ്പിനെ മിച്ചല്‍ ജോണ്‍സണ്‍ തന്നെയാണു കണ്ടെത്തിയത്. ‘ഇത് ഏതു തരത്തിലുള്ള പാമ്പാണെന്ന് ആര്‍ക്കെങ്കിലും അറിയാമോ? റൂമിന്റെ വാതിലിലാണു പാമ്പിനെ കണ്ടെത്തിയത്.
പാമ്പിന്റെ തലയുടെ വ്യക്തമായ ചിത്രം ലഭിച്ചു. ഇപ്പോഴും ഇത് ഏതു പാമ്പാണെന്ന് അറിയില്ല. ലക്‌നൗവിലെ താമസം രസകരമാണ്’ ജോണ്‍സണ്‍ ഇന്‍സ്റ്റഗ്രാമില്‍ കുറിച്ചു.
ഓസ്‌ട്രേലിയയ്ക്കായി 73 ടെസ്റ്റ്, 153 ഏകദിനം, 30 ട്വന്റി20 മത്സരങ്ങള്‍ കളിച്ചിട്ടുള്ള താരമാണു നാല്‍പതു വയസ്സുകാരനായ ജോണ്‍സണ്‍.
View this post on InstagramRead more
