ഒരു ദശാബ്ദമായി, എന്നാൽ ഇന്ത്യയും പാകിസ്ഥാനും തമ്മിലുള്ള അവസാന ഉഭയകക്ഷി പരമ്പരയിൽ ഭുവനേശ്വർ കുമാറിന്റെ അരങ്ങേറ്റം ഇന്നലെ പോലെ തോന്നുന്നു. തന്റെ അന്താരാഷ്ട്ര കരിയറിലെ ആറാമത്തെ ഡെലിവറി ഓപ്പണർ നസീർ ജംഷെഡിന്റെ വിക്കറ്റ് തെറിപ്പിച്ച ആ ബോൾ ക്രിക്കറ്റ് പ്രേമികൾ മറക്കാനിടയില്ല.
എന്നാൽ കഴിഞ്ഞ രണ്ട് വർഷമായി ഭുവി അത്തരം ഒരു പന്ത് എറിഞ്ഞിട്ടില്ല. അതിനാൽ തന്നെ അയാളുടെ ബൗളിങ്ങിന് പഴയ അത്രയും മൂർച്ച ഇല്ലെന്ന് പറഞ്ഞാലും അതിൽ തെറ്റൊന്നും പറയാൻ പറ്റില്ല. ലോകകപ്പിന് ഇറങ്ങുന്ന ഇന്ത്യൻ ബൗളിംഗ് നിറയെ ബുംറയുടെ അഭാവത്തിൽ നയിക്കേണ്ടത് ഭുവിയാണ്.
2021 മുതൽ ഇന്ത്യക്കായി 23 ടി20 മത്സരങ്ങൾ കളിച്ചിട്ടുള്ള ഭുവനേശ്വറിന് 15 വിക്കറ്റുകൾ മാത്രമാണ് ലഭിച്ചത്.
എന്നാൽ ഏറ്റവും വലിയ ആശങ്ക അതല്ല. അവസാന ഓവറിൽ അദ്ദേഹം എറിഞ്ഞ 159 പന്തുകളും (17-നും 20-നും ഇടയിൽ) 10.03 എന്ന എക്കോണമി റേറ്റിൽ അദ്ദേഹം വഴങ്ങിയ 266 റൺസുമാണ് ഏറ്റവും വലിയ ഘടകം.
അദ്ദേഹം 23 എക്‌സ്‌ട്രാകൾ വഴങ്ങിയെങ്കിലും അതിലും പ്രധാനമായി ആ 23 ഇന്നിംഗ്‌സുകളിൽ 20 ഫോറുകളും 12 സിക്‌സറുകളും അടിച്ചു തകർത്തു.
ഭുവിയെ മാറ്റി ഇന്ത്യ ദീപക്ക് ചഹറിനെ കളത്തിൽ ഇറക്കണം എന്നാണ് ഹർഭജൻ സിംഗ് പറയുന്നത്. പവർപ്ലേയിൽ 2-3 വിക്കറ്റ് വീഴ്ത്തുന്നത് പോലെ തോന്നിക്കുന്ന ഒരേയൊരു ബൗളർ ദീപക് ചാഹർ മാത്രമാണ്.
Read more
“അവന്റെ ഇൻസ്‌വിംഗറും അവന്റെ ഔട്ട്‌സ്വിങ്ങ് പോലെ മാരകമാണ്, മാത്രമല്ല അനുകൂലമല്ലാത്ത സാഹചര്യങ്ങളിൽ പോലും അയാൾക്ക് മികച്ച രീതിയിൽ പന്തെറിയാൻ കഴിയും. ഇന്ന് നമ്മൾ നിൽക്കുന്ന ഈ ഘട്ടത്തിൽ, ഭുവനേശ്വറുമായി താരതമ്യപ്പെടുത്തുമ്പോൾ നിലവിലെ സാഹചര്യത്തിൽ ദീപക് മികച്ച കഴിവുള്ള ബൗളറാണ്. ഭുവിക്ക് ധാരാളം അനുഭവങ്ങളുണ്ട്, അവൻ ഗെയിമുകൾ പുറത്തെടുക്കും, പക്ഷേ 19-ാം ഓവറിൽ 8-10 റൺസ് വരെ വിട്ടുകൊടുത്താൽ കുഴപ്പമില്ല , പക്ഷേ 15-ഉം അതിനുമുകളിലും ആയ നിമിഷം, മത്സരം കൈവിട്ടുപോകുന്നു. അതുകൊണ്ട് ദീപക് എന്റെ ചോയ്സ് ആയിരിക്കും.
