മലയാളി താരം രോഹന്‍ കുന്നുമ്മലിനെ ട്രയല്‍സിന് ക്ഷണിച്ച് ഐപിഎല്‍ ടീമായ ഡല്‍ഹി ക്യാപിറ്റല്‍സ്. ആഭ്യന്തര ക്രിക്കറ്റിലെ മിന്നും പ്രകടനത്തിന് പിന്നാലെയാണ് രോഹനെ തേടി ഈ വിളിയെത്തിയത്.
ഡല്‍ഹി ക്യാപിറ്റല്‍സിന്റെ പരിശീലന ക്യാപിംല്‍ വളരെ മികച്ച അനുഭവമായിരുന്നുവെന്നും സൗരവ് ഗാംഗുലി, പ്രവീണ്‍ ആംറേ തുടങ്ങിയ മഹാരഥന്‍മാരുമായി ആശയവിനിമയം നടത്താന്‍ അവസരം ലഭിച്ചുവെന്നും രോഹന്‍ പറഞ്ഞു.
കഴിഞ്ഞ ആഴ്ച അവസാനിച്ച ആഭ്യന്തര ഏകദിന ടൂര്‍ണമെന്റായ ദേവ്ധര്‍ ട്രോഫിയില്‍ സൗത്ത് സോണിനായി ഇറങ്ങിയ രോഹന്‍ മികച്ച പ്രകടനമാണ് കാഴ്ചവെച്ചത്.സൗത്ത് സോണിനായി 62.20 ശരാശരിയില്‍ 311 റണ്‍സെടുത്ത രോഹന്‍ ടൂര്‍ണമെന്റിലെ മൂന്നാമത്തെ ഉയര്‍ന്ന റണ്‍വേട്ടക്കാരനായിരുന്നു.
Read more
ടൂര്‍ണമെന്റില്‍ 123.90 എന്ന മികച്ച സ്‌ട്രൈക്ക് റേറ്റും രോഹനുണ്ടായിരുന്നു. ഈസ്റ്റ് സോണിനെതിരായ ഫൈനലില്‍ ഓപ്പണറായി ഇറങ്ങി 75 പന്തില്‍ 107 റണ്‍സടിച്ച രോഹന്റെ മികവിലാണ് സൗത്ത് സോണ്‍ കിരീടം ചൂടിയത്.
