2024 ടി20 ലോകകപ്പിൽ ഇന്ത്യയുടെ ഏറ്റവും വലിയ തുറുപ്പുചീട്ടായി ഓൾറൗണ്ടർ ശിവം ദുബെയെ മുൻ ക്രിക്കറ്റ് താരം സുരേഷ് റെയ്ന തിരഞ്ഞെടുത്തു. ഇന്ന് (ജൂൺ 1) ആരംഭിക്കുന്ന ലോകകപ്പ് വെസ്റ്റ് ഇൻഡീസിലും യുഎസ്എയിലുമായി നടക്കും. ഇന്ത്യൻ പ്രീമിയർ ലീഗിൽ ചെന്നൈ സൂപ്പർ കിംഗ്‌സിന് വേണ്ടി നടത്തിയ മിന്നുന്ന പ്രകടനത്തിൻ്റെ പിൻബലത്തിലാണ് ദുബെ ഇന്ത്യൻ ടീമിലേക്ക് തിരിച്ചെത്തിയത്. ഐപിഎൽ 2024-ൻ്റെ ആദ്യ പകുതിയിൽ തകർപ്പൻ പ്രകടനം നടത്തിയ താരം രണ്ടാം പകുതിയിൽ നിരാശപെടുത്തിയെങ്കിലും ആകെ മൊത്തത്തിൽ ഇത്തവണത്തെ ടൂർണമെന്റ് കളറാക്കി എന്ന് പറയാം.
ടി20 ലോകകപ്പിനുള്ള 15 അംഗ ടീമിൽ ഇന്ത്യയുടെ മറ്റൊരു ഫിനിഷർ റിങ്കു സിങ്ങിനെക്കാൾ മുന്നിലാണ് സിഎസ്‌കെ ഓൾറൗണ്ടർ തിരഞ്ഞെടുക്കപ്പെട്ടത്. ജൂൺ 5 ബുധനാഴ്ച അയർലൻഡിനെതിരായ ഇന്ത്യയുടെ ആദ്യ മത്സരത്തിന് മുന്നോടിയായി, ശിവം ദുബെയെ പ്ലേയിംഗ് ഇലവനിൽ ഉൾപ്പെടുത്താൻ ടീം മാനേജ്‌മെൻ്റ് ഒരു വഴി ഉണ്ടാക്കണമെന്ന് റെയ്ന പറഞ്ഞു.
“ജയ്‌സ്വാൾ ചെറുപ്പമാണ്, അവൻ ഭയമില്ലാതെ കളിക്കുന്നു, ഡൽഹിയിൽ നടന്ന ഒരു പരിപാടിക്കിടെ റെയ്ന പറഞ്ഞു. “ശിവം ദുബെയുടെ കാര്യവും ഇതുതന്നെയാണ്. മാനേജ്‌മെൻ്റ് അവനുവേണ്ടി സ്ഥലം ഒരുക്കണം. ദുബെ സിക്‌സറുകൾ പറത്തുന്ന രീതി, വളരെ കുറച്ച് കളിക്കാർക്ക് മാത്രമേ ഇത്തരമൊരു കഴിവ് ഉള്ളൂ. പണ്ട് ധോണിയും യുവരാജും ഇത്തരത്തിൽ പവർ ഹിറ്റിംഗ് ചെയ്യുന്നത് നമ്മൾ കണ്ടിട്ടുണ്ട്.”
ശിവത്തെ ട്രംപ് കാർഡായി മുദ്രകുത്തി സുരേഷ് റെയ്ന പറഞ്ഞു:
“ശിവം നിങ്ങളുടെ തുറുപ്പുചീട്ടാണ്, പക്ഷേ ജയ്‌സ്വാൾ ഇലവനിൽ ഉണ്ടെങ്കിൽ, ഓൾറൗണ്ടർക്ക് നഷ്ടമായേക്കാം. അതിനാൽ, ക്യാപ്റ്റൻ രോഹിത് ശർമ്മയ്ക്ക് കടുത്ത തീരുമാനം എടുക്കേണ്ടി വരും, കാരണം ഡ്യൂബെയുടെ സാന്നിധ്യം 20-30 റൺസിൻ്റെ അധിക കുഷൻ ഉറപ്പാക്കുന്നു.
Read more
ഇന്ത്യക്കായി 14 ഇന്നിംഗ്‌സുകളിൽ നിന്ന് 39.42 സ്‌ട്രൈക്ക് റേറ്റിൽ 276 റൺസ് അദ്ദേഹം നേടിയിട്ടുണ്ട്. മൂന്ന് അർധസെഞ്ചുറികൾ അദ്ദേഹത്തിൻ്റെ പേരിലുണ്ട്, അതിൽ രണ്ടെണ്ണം ഈ വർഷം ആദ്യം അഫ്ഗാനിസ്ഥാനെതിരെ നേടിയതാണ്.
