ബുധനാഴ്ച അഡ്‌ലെയ്ഡിൽ ഓസ്‌ട്രേലിയയ്‌ക്കെതിരായ തന്റെ ടെസ്റ്റ് അരങ്ങേറ്റം സെക്യൂരിറ്റി ഗാർഡായി ജോലി ചെയ്ത തന്റെ അവസാന ജോലിയേക്കാൾ മികച്ചതാണെന്ന് യുവ വെസ്റ്റ് ഇന്ത്യൻ പേസർ ഷാമർ ജോസഫ് പറഞ്ഞു. ആദ്യ പന്തിൽ സ്റ്റീവ് സ്മിത്തും തൊട്ടുപിന്നാലെ മാർനസ് ലാബുഷാഗ്‌നെയും താരം വീഴ്ത്തിയപ്പോൾ ബാറ്റിംഗിൽ 11-ാം നമ്പറിൽ ബാറ്റ് ചെയ്യുന്ന താരം 36 (41) റൺസ് നേടി.
24 കാരനായ താരം ഏറെ നാളുകൾ കാത്തിരുന്ന ശേഷമാണ് ടീമിൽ വന്നത് . കഴിഞ്ഞ വർഷം, സെക്യൂരിറ്റി ഗാർഡ് എന്ന ജോലി ഉപേക്ഷിച്ച് ക്രിക്കറ്റിൽ ശ്രദ്ധ കേന്ദ്രീകരിച്ചു. ഇപ്പോൾ, അന്താരാഷ്ട്ര ക്രിക്കറ്റിലേക്ക് തന്റെ ആദ്യ ചുവടുവെപ്പ് നടത്തിയ അദ്ദേഹം, അവസരം ആസ്വദിക്കുകയാണ്.
“ഒരു സെക്യൂരിറ്റി ഗാർഡ് എന്നതിനേക്കാൾ മികച്ചതായി തോന്നുന്നു ഈ ജോലി.” ജോസഫ് എബിസി സ്പോർട്ടിൽ പറഞ്ഞു. ” സെക്യൂരിറ്റി ഗാർഡ് എളുപ്പമുള്ള ജോലിയല്ല. ഏഴ് മുതൽ ഏഴ് വരെ ജോലി ചെയ്യുക . ക്രിക്കറ്റും എളുപ്പമല്ല എന്നാണ് ഞാൻ ഉദ്ദേശിക്കുന്നത്, എന്നാൽ ഇതാണ് ഞാൻ ഇഷ്ടപ്പെടുന്നത്, ഇതാണ് എന്റെ ജീവിതകാലം മുഴുവൻ തുടരാൻ ഞാൻ ആഗ്രഹിക്കുന്നത്. ”
Read more
ആദ്യ ഇന്നിങ്സിൽ വെസ്റ്റ് ഇൻഡീസ് 188 റൺസിന് പുറത്തായപ്പോൾ ഓസ്ട്രേലിയ നിലവിൽ 59 നു 2 എന്ന നിലയിലാണ്.
