ഫോർമാറ്റുകളിൽ ഉടനീളം ബാറ്റിംഗ്, ബൗളിംഗ് ഡിപ്പാർട്മെന്റുകൾ നയിക്കാൻ നിരവധി നേതാക്കളാൽ ഇന്ത്യ അനുഗ്രഹീതമാണ്. ആർ അശ്വിനും മുഹമ്മദ് ഷമിയും വർഷങ്ങളായി സ്പിന്നിനെയും പേസ് ബൗളിംഗിനെയും നയിക്കുന്നു. ഓഫ് സ്പിന്നറുടെയും പേസറുടെയും ഭാവി പദ്ധതികളെക്കുറിച്ച് ചർച്ച ചെയ്യേണ്ടതിൻ്റെ ആവശ്യകതയെക്കുറിച്ച് സ്ഥാനമൊഴിയുന്ന ഇന്ത്യൻ ബൗളിംഗ് കോച്ച് പരാസ് മാംബ്രെ സംസാരിച്ചു.
ഇംഗ്ലണ്ടിനെതിരായ അഞ്ച് മത്സരങ്ങളുടെ പരമ്പരയിൽ അശ്വിൻ തൻ്റെ 100-ാം ടെസ്റ്റ് കളിച്ചു, അതേസമയം 2023 ഏകദിന ലോകകപ്പ് മുതൽ കണങ്കാലിന് പരിക്കേറ്റതിനെത്തുടർന്ന് ഷമി കളിക്കളത്തിൽ നിന്ന് വിട്ടുനിൽക്കുകയായിരുന്നു. സീമർ ശസ്ത്രക്രിയയ്ക്ക് ശേഷം സുഖം പ്രാപിച്ചു, നെറ്റ്സിൽ ബൗൾ ചെയ്യാൻ തുടങ്ങി. സീനിയർ ബൗളർമാർക്കായി ഒരു പ്ലാൻ ആവശ്യമാണെന്നും യുവ ബൗളർമാർ അവർക്കൊപ്പം പന്തെറിയണമെന്നും ടൈംസ് ഓഫ് ഇന്ത്യയ്‌ക്ക് നൽകിയ പ്രത്യേക അഭിമുഖത്തിൽ മാംബ്രെ പറഞ്ഞു.
“ഷമിയുടെയും അശ്വിൻ്റെയും ഭാവിയെക്കുറിച്ച് ചർച്ച ചെയ്യേണ്ട സമയമാണിത്. ഞങ്ങൾ യുവാക്കളിൽ നിക്ഷേപം നടത്തിയപ്പോൾ, അവരുടെ കൂടെ സീനിയേഴ്‌സ് ഉണ്ടെന്ന് ഞങ്ങൾ ഉറപ്പാക്കി. അർഷ്ദീപ് സിംഗ് ആയാലും ആവേശ് ഖാൻ ആയാലും; ഞങ്ങൾ സീനിയറിനെ അവരുടെ അടുത്ത് നിർത്തി, ”അദ്ദേഹം പറഞ്ഞു.
“ഞങ്ങൾ 2015-ൽ ഈ പ്രക്രിയ ആരംഭിച്ചു, 2020-ഓടെ പൂൾ തയ്യാറായി. നിങ്ങൾ അർഷ്ദീപിനെ നോക്കുകയാണെങ്കിൽ, 2018-ലെ അണ്ടർ-19 ലോകകപ്പിൽ അദ്ദേഹം പങ്കെടുത്തു, 2024-ൽ സീനിയർ ടീമിൻ്റെ അവിഭാജ്യ ഘടകമായി. യുവ പേസർ നാലോ അഞ്ചോ വര്ഷം എടുത്താണ് ഒന്ന് സെറ്റ് ആകുന്നത്. വർഷങ്ങൾ എടുക്കും അയാൾ അവന്റെ ഉന്നതിയിൽ എത്താൻ. അതിനാൽ സീനിയർ താരങ്ങൾക്ക് വലിയ പ്രാധാന്യമുണ്ട്” അദ്ദേഹം കൂട്ടിച്ചേർത്തു.
Read more
സെപ്റ്റംബറിൽ ബംഗ്ലാദേശിനെതിരെയാണ് ഇന്ത്യയുടെ അടുത്ത ടെസ്റ്റ് പരമ്പര. ഷമിയും അശ്വിനും കളത്തിൽ ഇറങ്ങുമെന്നാണ് കരുതപെടുന്നത്.
