ഐപിഎല്ലിന്റെ ഈ സീസണില്‍ രാജസ്ഥാന്‍ റോയല്‍സിന്റെ പ്ലെയിങ് ഇലവനില്‍ കാര്യമായ അവസരം ലഭിക്കാത്ത താരങ്ങല്‍ലൊരാളാണ് മലയാളി ഫാസ്റ്റ് ബോളര്‍ കെഎം ആസിഫ്. ഇപ്പോഴിതാ റോയല്‍സ് പ്ലെയിങ് ഇലവനില്‍ അവസരം കിട്ടാന്‍ ആസിഫിനു രസകരമായ ഒരു ഉപദേശം നല്‍കിയിരിക്കുകയാണ് ടീമംഗവും മറ്റൊരു മലയാളി താരവുമായ ദേവ്ദത്ത് പടിക്കല്‍.
സഞ്ജുവും ആസിഫുമുള്‍പ്പെട്ട റോയല്‍സ് റാപിഡ് ഫയര്‍ റൗണ്ടില്‍ ചോദ്യങ്ങള്‍ ചോദിക്കവെയായിരുന്നു തമാശരൂപേണയുള്ള ദേവ്ദത്തിന്റെ ഉപദേശം. നിങ്ങളുടെ മനസ്സ് കീഴടക്കാനുള്ള വഴി എന്താണെന്നായിരുന്നു സഞ്ജുവിനോടുള്ള ദേവ്ദത്തിന്റെ ചോദ്യം. എന്നെ ചിരിപ്പിച്ചാല്‍ മതിയെന്നായിരുന്നു സഞ്ജുവിന്റെ മറുപടി. ഇതിനു പിന്നാലെയായിരുന്നു ദേവ്ദത്ത് ആസിഫിന് ഉപദേശം നല്‍കിയത്.
Sanju’s favourite song, teammate and lots more – thanks to host DDP! 😂💗
PS: Rate Asif’s nickname? 😁#IPL2023 | @goeltmt pic.twitter.com/5cidFb7Qm4
— Rajasthan Royals (@rajasthanroyals) May 10, 2023
ഇപ്പോള്‍ പിടികിട്ടി. നിന്നെ സഞ്ജു ടീമിലെടുക്കുന്നില്ലെങ്കില്‍ അദ്ദേഹത്തെയൊന്നു ചിരിപ്പിച്ചാല്‍ മതിയെന്നായിരുന്നു ആസിഫിനോടു ദേവ്ദത്ത് പറഞ്ഞത്. അതെ, ഞാന്‍ ചെയ്തു കൊണ്ടിരിക്കുന്നതും ഇതാണെന്നു ആസിഫ് ചിരിയോടെ മറുപടി നല്‍കി.
Read more
റോയല്‍സില്‍ വെറും രണ്ടു മല്‍സങ്ങളിലാണ് ആസിഫിനെക്കൊണ്ട് സഞ്ജു ബോള്‍ ചെയ്യിച്ചത്. ഇവയില്‍ ഏഴോവറുകള്‍ ആകെ ബോള്‍ ചെയ്ത പേസര്‍ 9.85 ഇക്കോണമി റേറ്റില്‍ 69 റണ്‍സ് വിട്ടുകൊടുത്തെങ്കിലും വിക്കറ്റുകളൊന്നും വീഴ്ത്തിയില്ല.
