ഇന്ത്യ അഫ്ഗാനിസ്ഥാൻ മത്സരത്തിന് ശേഷം മികച്ച ഫീൽഡർ അവാർഡിന് നാമനിർദ്ദേശം ചെയ്യപ്പെട്ടതിന് അക്സർ പട്ടേലിൻ്റെ പ്രതികരണം കണ്ടപ്പോൾ സ്റ്റാർ ബാറ്റർ വിരാട് കോഹ്‌ലി ചിരിച്ചു മറിയുന്ന ഒരു വീഡിയോ സോഷ്യൽ മീഡിയയിൽ വൈറലായിരിക്കുകയാണ്. ഐസിസി ടി20 ലോകകപ്പ് 2024 ലെ സൂപ്പർ 8 പോരാട്ടത്തിൽ അഫ്ഗാനിസ്ഥാനെ 47 റൺസിന് പരാജയപ്പെടുത്തി ഇന്ത്യ മറ്റൊരു മികച്ച ഓൾറൗണ്ട് പ്രകടനം നടത്തി.
2023 ഏകദിന ലോകകപ്പിലാണ് മികച്ച ഫീൽഡർ അവാർഡ് പാരമ്പര്യം ആരംഭിച്ചത്. അഫ്ഗാനെതിരെയുള്ള താരങ്ങളുടെ പ്രകടനത്തിൽ ടീം ഇന്ത്യയുടെ ഫീൽഡിംഗ് കോച്ച് ടി ദിലീപ് അഭിമാനം കൊള്ളുന്നു. സൂപ്പർ 8 ഘട്ടത്തിൽ മികച്ച തുടക്കത്തിന് ടീമിനെ സഹായിച്ച ടീമിൻ്റെ അസാധാരണമായ സാഹചര്യ ബോധത്തെ ദിലീപ് പ്രശംസിച്ചു. തുടർന്ന് അദ്ദേഹം അവാർഡിനുള്ള നോമിനികളെ വെളിപ്പെടുത്തി. ആദ്യ മത്സരാർത്ഥിയായി അർഷ്ദീപ് സിംഗിന്റെ പേര് അദ്ദേഹം പറഞ്ഞു. തുടർന്ന് രവീന്ദ്ര ജഡേജ, തുടർന്ന് അക്സർ എന്നിവർ അടങ്ങുന്നതായിരുന്നു ലിസ്റ്റ്.
തന്റെ പേര് കേട്ടപ്പോൾ അക്സർ പട്ടേൽ തന്നെ ഞെട്ടിപ്പോയി. തനിക്ക് വട്ടായതാണോ അതോ നാട്ടുകാർക്ക് മുഴുവൻ വട്ടായതാണോ എന്ന മായാവി സിനിമയിലെ സലിം കുമാറിന്റെ ഞെട്ടലിൽ ഇരുന്ന അദ്ദേഹത്തിന്റെ മുഖഭാവം കണ്ട് വിരാട് കോഹ്‌ലി അടക്കമുള്ളവർ പൊട്ടിച്ചിരിച്ചു. എന്തായാലും അവാർഡ് സ്വന്തമാക്കിയത് ജഡേജ ആയിരുന്നു. അവാർഡ് നൽകിയ ദ്രാവിഡിനെ ജഡേജ എടുത്തുയർത്തുകയും ചെയ്തു.
അതേസമയം സൂപ്പർ 8 ലെ തങ്ങളുടെ രണ്ടാം മത്സരത്തിൽ ഇന്ത്യ ഇന്ന് ബംഗ്ലാദേശിനെ നേരിടും. മികച്ച ജയം നേടാനായത് ഇന്ത്യ സെമിയിലും എത്തും.
View this post on InstagramRead more
