രാജ്യത്തെ ഏറ്റവും പ്രശസ്തയായ കായിക ടെലിവിഷന്‍ അവതാരകയാണ് ഇന്ത്യന്‍ മുന്‍ ക്രിക്കറ്റ് താരം സ്റ്റുവര്‍ട്ട് ബിന്നിയുടെ ഭാര്യ മായന്തി ലാംഗര്‍. ക്രിക്കറ്റ് ലോകകപ്പും ഫുട്‌ബോള്‍ ലോകകപ്പും അടക്കം ഒട്ടേറെ രാജ്യാന്തര ടൂര്‍ണമെന്റുകളില്‍ അവര്‍ ടെലിവിഷന്‍ അവതാരകയായിട്ടുണ്ട്. അഹമ്മദാബാദിലെ നരേന്ദ്ര മോദി സ്റ്റേഡിയത്തില്‍ ഏകദിന ക്രിക്കറ്റ് ലോകകപ്പ് ഫൈനലില്‍ ഇന്ത്യയും ഓസ്‌ട്രേലിയയും ഇന്ന് മുഖാമുഖം വരുമ്പോള്‍ അവതാരയുടെ വേഷത്തില്‍ പ്രത്യക്ഷപ്പെടുന്നതും മായന്തി ലാംഗര്‍ ആണ്.
ലോകകപ്പിന്റെ സെമിയില്‍ ധരിച്ച വസ്ത്രത്തിന്റെ പേരില്‍ വലിയ സൈബര്‍ ആക്രമണമാണ് മായന്തിക്ക് നേരിടേണ്ടി വന്നത്. ഇന്ത്യ-ന്യൂസിലന്‍ഡ് സെമിയില്‍ ക്രിക്കറ്റ് ഇതിഹാസം സുനില്‍ ഗാവസ്‌കറിനൊപ്പം ഷോ അവതരിപ്പിക്കവെ മായന്തി ധരിച്ചിരുന്ന മിനി സ്‌കേര്‍ട്ടിനെ ചൊല്ലി വ്യാപകമായ സദാചാര ആക്രമണമാണ് ഒരു വിഭാഗം ആരാധകര്‍ മായന്തിക്കെതിരെ സോഷ്യല്‍ മീഡിയയില്‍ അഴിച്ചുവിട്ടത്.
Fixed it @MayantiLanger_B #MayantiLanger #SunilGavaskar 😆😆😆#CWC23 #CWC2023Final #CWC2023 #CWC23Final #CWC2023INDIA #CWC23INDIA pic.twitter.com/JunjaTRz3D
— Jitin Sharma (@jitin84) November 17, 2023
ഇപ്പോഴിതാ ലോകകപ്പ് ഫൈനലിന് എത്തുമ്പോള്‍ അതിനുള്ള മറുപടിയും കരുതിയാണ് മായന്തി എത്തുന്നത്. എക്‌സിലൂടെ താരം ഇതിനോടകം അത് വ്യക്തമാക്കി കഴിഞ്ഞു. എന്നെ എണ്ണിയാലൊടുങ്ങാത്ത പോസ്റ്റുകളില്‍ ടാഗ് ചെയ്തവര്‍ക്കുള്ള മറുപടി എന്നുപറഞ്ഞാണ് മായന്തിയുടെ ട്വീറ്റ്.
ഫൈനലില്‍ ഫുള്‍ സ്യൂട്ട് ധരിച്ചാവും മായന്തി എത്തുക. ബ്ലാക്ക് ഫുള്‍ സ്യൂട്ട് ധരിച്ചുനില്‍ക്കുന്ന ചിത്രവും മായന്തി പോസ്റ്റിനൊപ്പം പങ്കുവെച്ചു.
So moved by your genuine concern regarding budgets. Concerns that have me tagged in innumerable posts, my family and friends being inundated by images, some altered perhaps to play down the atrocity of a Blazer dress 🫣 Fear not, we can afford a full suit for the Final 🥹 pic.twitter.com/cCNv32iqTq
— Mayanti Langer Binny (@MayantiLanger_B) November 18, 2023
Read more
