ചെന്നൈയിലെ സത്യം സിനിമാസില്‍ ടീം അംഗങ്ങള്‍ക്കൊപ്പം മലയാള ചിത്രം മഞ്ഞുമ്മല്‍ ബോയ്സ് കണ്ട് ഇന്ത്യന്‍ ഇതിഹാസ നായകന്‍ എംഎസ് ധോണി. സത്യം സിനിമാസില്‍ നിന്ന് ധോണി ടീം അംഗങ്ങളായ ദീപക് ചാഹര്‍ അടക്കമുള്ളവര്‍ക്കൊപ്പം പുറത്തുവരുന്ന ദൃശ്യങ്ങള്‍ സോഷ്യല്‍ മീഡിയയില്‍ വൈറലായിട്ടുണ്ട്.
മലയാളത്തില്‍ ഏറ്റവും കൂടുതല്‍ കളക്ഷന്‍ നേടിയ ചിത്രത്തിന് തമിഴ്‌നാട്ടിലും വമ്പന്‍ സ്വീകരണമാണ് ലഭിച്ചത്. 50 കോടിയലിധം രൂപയാണ് തമിഴ്‌നാട്ടില്‍നിന്ന് മാത്രം നേടിയത്. ചിത്രത്തിന്റെ ആഗോള കളക്ഷന്‍ 200 കോടി പിന്നിട്ടിരുന്നു.
#MSDhoni & #DeepakChahar watched #ManjummelBoys yesterday at Sathyam
– The reach of Manjummel Boys 📈📈pic.twitter.com/KV1wTDTNzJ
— Troll Cinema ( TC ) (@Troll_Cinema) March 24, 2024
അതേസമയം, ഐപിഎലില്‍ ധോണിയ്ക്കിത് അവസാന സീസണാണ്. ചെന്നൈയുടെ നായകസ്ഥാനം ഒഴിഞ്ഞ താരം തന്റെ കളിക്കളത്തിലെ അവസാന നിമിഷങ്ങള്‍ ആസ്വദിക്കുകയാണ്. അതിനാല്‍ തന്നെ ആരാധകരും താരത്തെ ചുറ്റിപ്പറ്റിയുള്ള ഓരോ വാര്‍ത്തകളും ആവേശത്തോടെയാണ് സ്വീകരിക്കുന്നത്.
Read more
ഐപിഎല്ലിലെ ഉദ്ഘാടന മത്സരത്തില്‍ റോയല്‍ ചലഞ്ചേഴ്‌സ് ബെംഗലൂരുവിനെ ആറ് വിക്കറ്റിന് തകര്‍ത്താണ് നിലവിലെ ചാമ്പ്യന്മാരായ ചെന്നൈ വരവറിയിച്ചിരിക്കുന്നത്. വിക്കറ്റിന് പിന്നില്‍ മികച്ച പ്രകടനമാണ് മത്സരത്തില്‍ ധോണി കാഴ്ചവെച്ചത്. 26ന് ഗുജറാത്ത് ടൈറ്റന്‍സിനെതിരെയാണ് സൂപ്പര്‍ കിംഗ്‌സിന്റെ അടുത്ത മത്സരം. ചെന്നൈയാണ് മത്സരത്തിന് വേദിയാകുന്നത്.
