കഴിഞ്ഞ പത്ത് പതിനഞ്ച് വർഷക്കാലമായി ഫുട്ബോൾ ലോകത്ത് തുടരുന്ന റൈവൽറിയാണ് ക്രിസ്റ്റ്യാനോ റൊണാൾഡോയും ലയണൽ മെസ്സിയും തമ്മിൽ നോക്കിയാൽ ആരാണ് ഇതിൽ മികച്ച താരമെന്ന തർക്കം ഫുട്ബോൾ ലോകത്ത് ഏറെ നാളുകളായി തുടരുകയാണ്. ചിലർക്ക് റൊണാൾഡോയാണ് മികച്ചത് എങ്കിൽ ചിലർക്ക് അത് മെസിയാണ്. ഏറെ നാളുകൾ റയൽ മാഡ്രിഡ് ബാഴ്സലോണ ടീമുകളെ പ്രതിനിധികരിച്ച് കളിക്കുമ്പോൾ ഇവരുടെ പോരാട്ടവും വെല്ലുവിളികളും പോലെ മറ്റൊന്നും ആരാധകർ ചർച്ച ചെയ്തിട്ടില്ല.
ഇപ്പോഴും യുവതലമുറക്ക് വെല്ലുവിളി നിറഞ്ഞ പോരാട്ടം സമ്മാനിക്കാൻ ഇരുവർക്കും സാധിക്കുന്നു. കരിയറിന്റെ അവസാന ഘട്ടത്തിൽ പോലും ഗോളുകൾ അടിച്ചുകൂട്ടാൻ താരങ്ങൾക്ക് സാധിക്കുന്നു. ഇതേക്കുറിച്ച് ലിവർപൂൾ ഇതിഹാസമായ ജാമി കാരഗർ തന്റെ അഭിപ്രായപ്രകടനം നടത്തി രംഗത്ത് വന്നിരിക്കുകയാണ്. അദ്ദേഹം പറയുന്നത് പ്രകാരം റൊണാൾഡോയും മെസിയും പരസ്പരം തോറ്റ് കൊടുക്കാൻ തയാർ അല്ലെന്നും പരസ്പരം അംഗീകരിക്കാൻ പോലും തയാർ അല്ലെന്നുമാണ് പറയുന്നത്.
” അവർ രണ്ടുപേരും പരസ്പരം തോൽക്കാൻ തയ്യാറല്ല. കിരീടങ്ങളുടെ കാര്യത്തിലും ബാലൺഡി’ഓർ പുരസ്കാരത്തിന്റെ കാര്യത്തിലുമൊക്കെ അങ്ങനെ തന്നെയാണ്. അവർ തമ്മിലുള്ള മത്സരം കാലാകാലങ്ങളായി നിലനിൽക്കുന്നു. ഓരോ സീസൺ കഴിയുംതോറും ഇരുവരും കൂടുതൽ ശക്തരായി വരുന്നു. രണ്ടാളുടെയും ഗുണം എന്തെന്നാൽ ഇരുവരും പരസ്പരം അങ്ങോട്ടും ഇങ്ങോട്ടും മത്സരിക്കാനുള്ള മികവ് കളയുന്നില്ല എന്നതാണ്. ഒരാൾ എന്തൊക്കെ ചെയ്താലും,മറ്റൊരാൾ തിരിച്ചുവരിക തന്നെ ചെയ്യും. അവർ ഒരിക്കലും വിശ്രമിക്കില്ല. ഇതുവരെ ചെയ്തതെന്നും അവർ ആസ്വദിച്ചിട്ടില്ല. മറിച്ച് എതിരാളി തന്റെ പുറകിൽ വരുന്നുണ്ടെന്ന ഉത്തമ ബോധ്യത്തോടുകൂടി അവർ മത്സരിക്കുകയായിരുന്നു. ഒരാൾ ഹാട്രിക്ക് നേടിയാൽ അധികം വൈകാതെ തന്നെ മറ്റൊരാൾ ഹാട്രിക്ക് സ്വന്തമാക്കിയിരിക്കും. രണ്ടു താരങ്ങളും തോൽക്കാൻ തയാറല്ല .” കാരഗർ പറഞ്ഞു.
Read more
ഇപ്പോഴും മികച്ച ഫോമിൽ കളിക്കുന്ന ഇരുതാരങ്ങളും ഗോളുകൾ അടിച്ചും അസിസ്റ്റുകളും നൽകി സീസൺ ആകോസഹമാക്കുന്നു.
