പഞ്ചാബ് കിംഗ്‌സിലെ തന്റെ എക്കാലത്തെയും പ്രിയപ്പെട്ട കളിക്കാരെ തിരഞ്ഞെടുത്ത് ബോളിവുഡ് നടിയും ടീമിന്റെ സഹ ഉടമയുമായ പ്രീതി സിന്റ. ട്വിറ്ററിലെ തന്റെ ആരാധകരുടെ രസകരമായ ചോദ്യങ്ങള്‍ക്ക് ഉത്തരം നല്‍കവേയാണ് ടീമിലെ തന്റെ എക്കാലത്തെയും പ്രിയപ്പെട്ട രണ്ട് കളിക്കാരെ പ്രീസി തിരഞ്ഞെടുത്തത്.
‘പഞ്ചാബ് കിംഗ്സില്‍ നിന്നോ കിംഗ്സ് ഇലവന്‍ പഞ്ചാബില്‍ നിന്നോ നിങ്ങളുടെ എക്കാലത്തെയും പ്രിയപ്പെട്ട കളിക്കാരന്‍ ആരാണ്?’ എന്നായിരുന്നു ഒരു ആരാധകന്റെ ചോദ്യം. അതിന് ഒരു മടിയും കൂടാതെ വീരേന്ദര്‍ സെവാഗ്, ആദം ഗില്‍ക്രിസ്റ്റ് എന്നിവരുടെ പേരുകളാണ് പ്രീതി പറഞ്ഞത്.
Virendra Sehwag for being dangerous Veeru ❤️ & Adam Gilchrist. He was very inspiring to watch as a leader & player. https://t.co/SDQGP7nO80
— Preity G Zinta (@realpreityzinta) May 6, 2024
2014 നും 2015 നും ഇടയില്‍ സെവാഗ് 30 മത്സരങ്ങളില്‍നിന്ന് 660 റണ്‍സ് പഞ്ചാബിനായി നേടിയ താരമാണ്. ഐപിഎല്‍ 2014 ലെ യോഗ്യതാ മത്സരത്തില്‍ ചെന്നൈ സൂപ്പര്‍ കിംഗ്സിനെതിരെ 122 റണ്‍സിന്റെ ശ്രദ്ധേയമായ ഇന്നിംഗ്സും അദ്ദേഹത്തിന്റെ മികച്ച പ്രകടനത്തില്‍ ഉള്‍പ്പെടുന്നു.
2011 മുതല്‍ 2013 വരെയുള്ള കാലയളവില്‍ 34 മത്സരങ്ങളില്‍ നിന്ന് 849 റണ്‍സ് നേടിയ ഗില്‍ക്രിസ്റ്റ് പഞ്ചാബിനായി നിര്‍ണായക സ്വാധീനം ചെലുത്തി. നേടി. ഗില്‍ക്രിസ്റ്റിന്റെ നേതൃത്വത്തില്‍, പഞ്ചാബ് ഐപിഎല്‍ 2011-ല്‍ അഞ്ചാം സ്ഥാനത്തും 2012ലും 2013ലും ആറാം സ്ഥാനത്തും ഫിനിഷ് ചെയ്തു.
Read more
