ഇന്ത്യൻ ക്രിക്കറ്റിലെ ഏറ്റവും മികച്ച ബാറ്റ്‌സ്മാന്മാരിൽ ഒരാളാണ് യശസ്‌വി ജയ്‌സ്വാൾ. നിലവിൽ ടി-20 മത്സരങ്ങളിലും, ടെസ്റ്റ് മത്സരങ്ങളിലും മാത്രമാണ് അദ്ദേഹം അരങ്ങേറ്റം കുറിച്ചിരിക്കുന്നത്. ഏകദിനത്തിൽ ശുഭമൻ ഗിൽ രോഹിതിന്റെ കൂടെ മികച്ച ഓപ്പണിങ് പാർട്ട്ണർഷിപ്പ് ആണ് നൽകുന്നത്. എന്നാൽ ദുലീപ് ട്രോഫിയിൽ മികച്ച പ്രകടനം നടത്തിയാൽ ഗംഭീർ തിരഞ്ഞെടുക്കാൻ പോകുന്ന താരങ്ങളിൽ മുൻപന്തിയിൽ നിൽക്കുന്ന കളിക്കാരനാകും ജയ്‌സ്വാൾ.
തന്റെ കരിയറിൽ വേണ്ട നിർദ്ദേശങ്ങൾ നൽകി അദ്ദേഹത്തെ മികച്ച ബാറ്റ്‌സ്മാനാക്കിയതിൽ മുഖ്യ പങ്ക് വഹിച്ച താരമാണ് അജിങ്ക്യാ രഹാനെ. 2022 ഇൽ ദുലീപ് ട്രോഫി നടക്കുന്ന സമയത്ത് ജയ്‌സ്വാൾ കളിക്കളത്തിൽ അഗ്ഗ്രസിവ് ആയിട്ടായിരുന്നു മത്സരിച്ചിരുന്നത്. എതിർ ടീമിലെ മറ്റു താരങ്ങളോടും കയർത്ത് സംസാരിച്ചിരുന്ന താരത്തിനെ അന്ന് രഹാനെ ഗ്രൗണ്ടിൽ നിന്നും ശിക്ഷ നൽകി പുറത്താക്കിയിരുന്നു. ഒരുപാട് തവണ ജയ്‌സ്വാൾ എതിർ ടീം താരങ്ങളെ സ്ലെഡ്ജ് ചെയ്തിരുന്നു. സഹികെട്ടിടാണ് ശിക്ഷ പോലെ ജയ്‌സ്വാളിനെ രഹാനെ പുറത്താക്കിയത്. ഈ സംഭവം അന്നത്തെ വലിയ ചർച്ച വിഷയം ആകുകയും ചെയ്യ്തു.
പിന്നീട് രഹാനെ ജയ്‌സ്വാളിന് വേണ്ട നിർദേശങ്ങൾ നൽകി അദ്ദേഹത്തെ മികച്ച ഒരു ബാറ്റ്‌സ്മാനാക്കി. പിന്നീട് കളിച്ച എല്ലാ മത്സരങ്ങളിലും താരത്തിന്റെ മാറ്റങ്ങൾ കാണാൻ സാധിച്ചിരുന്നു. ഒരു താരത്തിനോടും പിന്നീട് അദ്ദേഹം മോശമായി രീതിയിൽ കളിക്കളത്തിൽ പെരുമാറിയിട്ടില്ല. ഇന്ന് ഇന്ത്യൻ ടീമിലെ ഏറ്റവും മികച്ച താരങ്ങളിൽ ഒരാളാണ് ജയ്‌സ്വാൾ. നിലവിൽ അദ്ദേഹം ദുലീപ് ട്രോഫി കളിക്കുന്നതിന്റെ തയ്യാറെടുപ്പിലാണ്.
