ടി-20 ഫോർമാറ്റിൽ നിന്ന് വിരമിക്കൽ പ്രഖ്യാപിച്ച രോഹിത് ശർമയ്ക്ക് ശേഷം ഇന്ത്യൻ ടീമിൽ അടുത്ത ക്യാപ്റ്റനായി തിരഞ്ഞെടുക്കപെട്ട താരമാണ് സൂര്യ കുമാർ യാദവ്. ഹാർദിക്‌ പാണ്ട്യയുടെ പേരായിരുന്നു മുൻപന്തിയിൽ കേട്ടിരുന്നത്. എന്നാൽ പുതിയ പരിശീലകനായ ഗൗതം ഗംഭീർ ഹർദിക്കിനെ മാറ്റി ആ സ്ഥാനം സൂര്യയെ ഏല്പിച്ചു. ആദ്യ ടി-20 സീരീസിൽ ശ്രീലങ്കയ്ക്ക് എതിരെ മികച്ച പ്രകടനമാണ് ക്യാപ്റ്റനായും ബാറ്റ്‌സ്മാനായും സൂര്യ നടത്തിയത്. പരമ്പരയിൽ മൂന്നിലും ഇന്ത്യ വിജയിക്കുകയും ചെയ്യ്തു.
ഇപ്പോഴിതാ പ്രശസ്ത കമന്റേറ്റര്‍ ഹര്‍ഷ ഭോഗ്‌ലെ സൂര്യ കുമാർ യാദവിന്റെ ഭാവിയെ പറ്റിയും അടുത്ത ഇന്ത്യൻ ക്യാപ്റ്റൻ ആരാകും എന്നതിനെ കുറിച്ചും സംസാരിച്ചിരിക്കുകയാണ്. സൂര്യ കുമാർ യാദവ് ഇന്ത്യൻ ടി-20 ഫോർമാറ്റിൽ സ്ഥിരമായ ക്യാപ്റ്റൻ ആയിരിക്കില്ല എന്നാണ് ഭോഗ്ലെയുടെ വിലയിരുത്തൽ. അടുത്ത ഇന്ത്യൻ ക്യാപ്റ്റനായി ഹാർദിക്‌ പാണ്ട്യയെ തന്നെ ആയിരിക്കും സ്ഥിരമായി നിയമിക്കുക എന്നാണ് ഹര്‍ഷ ഭോഗ്‌ലെ പറയുന്നത്.
ഇന്ത്യൻ ടീമിലേക്ക് ഹാർദിക്‌ പാണ്ട്യയെ തന്നെ സ്ഥിരം ക്യാപ്റ്റനായി നിയമിക്കാനായിരുന്നു മുൻപ് നിശ്ചയിച്ചിരുന്നത്. എന്നാൽ പുതിയ പരിശീലകൻ വന്നതോടെ ടീമിൽ പുതിയ മാറ്റങ്ങളും കൊണ്ട് വന്നു. അതിലെ സുപ്രധാന മാറ്റമായിരുന്നു ഹാർദിക്‌ പാണ്ട്യയെ മാറ്റി സൂര്യ കുമാർ യാദവിന്‌ ക്യാപ്റ്റൻ സ്ഥാനം നൽകിയത്. ശ്രീലങ്കയ്ക്ക് എതിരെ ഉള്ള സീരീസിൽ സൂര്യ മികച്ച പ്രകടനമാണ് നടത്തിയത്. ക്യാപ്റ്റനായും ഒരുപാട് തന്ത്രങ്ങൾ ശ്രീലങ്കയ്ക്ക് എതിരെ പയറ്റി വിജയിക്കുകയും ചെയ്യ്തു.
Read more
ഹാർദിക്‌ ക്യാപ്റ്റൻ ആകണെമങ്കിൽ ഗൗതം ഗംഭീർ പറഞ്ഞത് പോലെ ആദ്യം അദ്ദേഹം ഫിറ്റ്നസ് തെളിയിക്കണം. കഴിഞ്ഞ വർഷത്തെ ഏകദിന ലോകകപ്പിൽ അദ്ദേഹത്തിന് പരിക്ക് സംഭവിച്ച് ടീമിൽ നിന്നും പുറത്തായിരുന്നു. അദ്ദേഹത്തിന്റെ കരിയറിൽ ഭൂരിഭാഗം സമയങ്ങളും പരിക്ക് കൊണ്ട് ഇന്ത്യൻ ടീമിൽ അധിക മത്സരങ്ങൾ കളിച്ചിരുന്നില്ല. അത് കൊണ്ട് ഗംഭീർ ഈ കാര്യത്തിൽ ഹർദിക്കിന് കർശനമായ നിർദേശം നൽകിയിരുന്നു. ഫിറ്റ്നസ് തെളിയിച്ചാൽ ക്യാപ്റ്റനായി താരത്തിനെ നിയമിക്കാം എന്നാണ് പറഞ്ഞത്. ഉടൻ തന്നെ സ്ഥിരമായ ക്യാപ്റ്റൻ ആരാകും എന്നതിനെ പറ്റി വിവരങ്ങൾ അറിയാൻ സാധിക്കും എന്നാണ് ക്രിക്കറ്റ് ആരാധകർ പ്രതീക്ഷിക്കുന്നത്.
