എട്ടു വര്‍ഷത്തെ വിവാഹ ജീവിതത്തിനിടെ ആദ്യമായി ഭാര്യ സഫ ബെയ്ഗിന്റെ മുഖം പൂര്‍ണായി കാണുന്ന ചിത്രം ഇന്ത്യന്‍ മുന്‍ ക്രിക്കറ്റ് താരം ഇര്‍ഫാന്‍ പത്താന് അടുത്തിടെ പങ്കുവെച്ചിരുന്നു. ഇരുവരുടെയും എട്ടാം വിവാഹ വാര്‍ഷികമായിരുന്നു ശനിയാഴ്ചയാണ് സഫയെക്കുറിച്ച് ഹൃദയഹാരിയായ കുറിപ്പ് പങ്കുവെച്ചുകൊണ്ടാണ് ഇരുവരും ഒന്നിച്ചുള്ള ചിത്രം ഇര്‍ഫാന്‍ പങ്കുവെച്ചത്.
ഒരാത്മാവുകൊണ്ട് നിര്‍വഹിച്ച നിരവധി റോളുകള്‍, മാനസിക ഉത്തേജനം പകര്‍ന്നവള്‍, തമാശക്കാരി, പ്രശ്നക്കാരി, എന്റെ മക്കളുടെ സ്ഥിരം കൂട്ടുകാരി, സുഹൃത്ത്, അമ്മ. മനോഹരമായ ഈ യാത്രയില്‍, നിന്നെ എന്റെ ഭാര്യയായി ഞാന്‍ വിലമതിക്കുന്നു. എട്ടാം ആശംസകള്‍ പ്രിയേ – സഫയ്ക്ക് ആശംസ നേര്‍ന്ന് ഇര്‍ഫാന്‍ എക്സില് കുറിച്ചു.
Infinite roles mastered by one soul – mood booster, comedian, troublemaker, and the constant companion, friend, and mother of my children. In this beautiful journey, I cherish you as my wife. Happy 8th my love ❤️ pic.twitter.com/qAUW8ndFAJ
— Irfan Pathan (@IrfanPathan) February 3, 2024
എന്നാല്‍ താരത്തിന്റെ ഈ പ്രവര്‍ത്തിയെ ഒരു വിഭാഗം ആരാധകര്‍ പ്രശംസിച്ചപ്പോള്‍ മറ്റൊരു വിഭാഗം ഇതിനെതിരെ രംഗത്തുവന്നു. താരം ഭാര്യയുടെ മുഖം മറയ്ക്കാത്ത ചിത്രം പങ്കുവെച്ചതില്‍ ഒരു വിഭാഗം അസ്വസ്തരാണ്. യൂസഫ് പത്താന്റെയും മുഖം മറിച്ചുള്ള അദ്ദേഹത്തിന്റെ പങ്കാളിയുടെയും ചിത്രം പങ്കുവെച്ച് ഇത് കണ്ടു പഠിക്കൂ എന്നാണ് ഇര്‍ഫാനോട് വിമര്‍ശകര്‍ പറയുന്നത്.
That's Why Your Brother Better Than You. 💔 pic.twitter.com/tfKsYCTqYH
— TROLL PAKISTAN CRICKET (@trollpakistanii) February 3, 2024
സൗദി അറേബ്യയില്‍ ജനിച്ചുവളര്‍ന്ന, മുന്‍ മോഡലായ, സഫ ബെയ്ഗുമായി 2016 ഫെബ്രുവരി നാലിനായിരുന്നു ഇര്‍ഫാന്‍ പത്താന്റെ വിവാഹം. 2014-ല്‍ ഇര്‍ഫാനെ കണ്ടുമുട്ടിയതിനു പിന്നാലെ ഇരുവരും പ്രണയത്തിലാവുകയും വിവാഹത്തിലേക്ക് എത്തുകയുമായിരുന്നു.
Read more
വിവാഹത്തിനു പിന്നാലെ സഫ മോഡലിങ് ഉപേക്ഷിച്ചു. പ്രൊഫഷണല്‍ നെയില്‍ ആര്‍ട്ടിസ്റ്റു കൂടിയായ സഫ, സൗദിയിലെ വ്യവസായിയായ മിര്‍ശ ഫാറൂഖിയുടെ മകളാണ്. സഫയ്ക്കും ഇര്‍ഫാനും ഇമ്രാന്‍ ഖാന്‍, സുലൈമാന്‍ എന്നിങ്ങനെ രണ്ട് മക്കളുണ്ട്.
