ഓഫ് സ്റ്റമ്പിന് പുറത്ത് പിച്ച് ചെയ്യുന്ന പന്തുകൾ ഉപേക്ഷിച്ച് കളിക്കാൻ വിരാട് കോഹ്‌ലിയോട് ആവശ്യപ്പെട്ടിരിക്കുകയാണ് സുനിൽ ഗാവസ്‌കർ. എന്നിരുന്നാലും, അദ്ദേഹത്തിൻ്റെ പ്രസ്താവന ബാറ്ററുടെ ബാല്യകാല പരിശീലകനായ രാജ്കുമാർ ശർമ്മ നിരസിച്ചു. 2024-25 ലെ ബോർഡർ-ഗവാസ്‌കർ ട്രോഫിയിൽ ഒരു സെഞ്ച്വറി നേടിയതൊഴിച്ചാൽ വിരാട് കോഹ്‌ലി പൂർണ പരാജയമായ ഒരു ടെസ്റ്റ് പരമ്പരയാണ് ഇപ്പോൾ കടന്നുപോകുന്നത്.
ഓഫ് സ്റ്റമ്പിന് പുറത്ത് പിച്ച് ചെയ്യുന്ന പന്തുകളിൽ ബാറ്റ് വെച്ച് വിക്കറ്റ് കളയുന്ന കോഹ്‌ലിയുടേതിന് സമാനമായ രീതിയിൽ ഉള്ള പ്രശ്നം സച്ചിന് ഉണ്ടായിരുന്നു. എന്നാൽ ഓസ്‌ട്രേലിയക്ക് എതിരെ തന്റെ കരിയറിലെ ഏറ്റവും മികച്ച ഇന്നിങ്‌സുകളിൽ ഒന്ന് കളിച്ച സച്ചിന് ഒരു കവർ ഡ്രൈവ് പോലും കളിക്കാതെ കളിച്ച സച്ചിനെ മാതൃകയാക്കാൻ കോഹ്‌ലിയോട് ഗവാസ്‌ക്കർ പറയുക ആയിരുന്നു.
“ഓഫ് സ്റ്റമ്പിന് പുറത്ത് വരുന്ന പന്തുകളിൽ സച്ചിൻ തെണ്ടുൽക്കർ പുറത്താകുകയായിരുന്നു. ആ വലിയ കുഴപ്പത്തിൽ നിന്ന് കരകയറാൻ, സിഡ്‌നി ടെസ്റ്റിൽ ഒരു കവർ ഡ്രൈവ് പോലും കളിക്കാതെ അദ്ദേഹം ഇരട്ട സെഞ്ച്വറി നേടി. കോഹ്‌ലി ആ മാതൃക പിന്തുടരണം. ഓസ്‌ട്രേലിയയിലെ തൻ്റെ പഴയ സെഞ്ചുറികളുടെ വീഡിയോകൾ കാണാനും താരം ശ്രമിക്കണം” ഗാവസ്‌കർ സ്റ്റാർ സ്‌പോർട്‌സിൽ പറഞ്ഞു.
എന്നാൽ കോഹ്‌ലിയുടെ പരിശീലകൻ രാജ്കുമാർ ശർമ്മക്ക് ഈ നിർദ്ദേശം ഇഷ്ടപ്പെട്ടില്ല, ആദ്യ ടെസ്റ്റിൻ്റെ രണ്ടാം ഇന്നിംഗ്സിൽ വിരാട് സെഞ്ച്വറി നേടിയത് കണക്കിലെടുത്ത് വിരാട് ഫോമിലല്ലെന്ന് പറയാൻ സാധിക്കില്ല എന്ന് അദ്ദേഹം പറഞ്ഞു. “സുനിൽ ഗവാസ്‌കർ ഒരു വലിയ കളിക്കാരനാണ്, അദ്ദേഹത്തിൻ്റെ നിർദ്ദേശങ്ങൾ സ്വാഗതം ചെയ്യപ്പെടുന്നു, പക്ഷേ മറ്റ് ഇന്ത്യൻ ബാറ്റർമാരെയും അദ്ദേഹം നിർദ്ദേശിക്കുമെന്ന് ഞാൻ പ്രതീക്ഷിക്കുന്നു.
“2008 മുതൽ വിരാട് പ്രകടനം നടത്തുന്നുണ്ട്, ഫോമിലല്ലെന്ന് പറയുന്നത് ശരിയല്ല. പരമ്പരയിൽ അദ്ദേഹം ഇതിനകം സെഞ്ച്വറി നേടിയിട്ടുണ്ട്, എത്ര കളിക്കാർ പരമ്പരയിൽ സെഞ്ച്വറി നേടിയിട്ടുണ്ട്? അദ്ദേഹം പിടിഐയോട് പറഞ്ഞു.
