ടെസ്റ്റ് ക്രിക്കറ്റിൽ ഇന്ത്യക്ക് വേണ്ടി മികച്ച പ്രകടനമാണ് യശസ്വി ജയ്സ്വാൾ നടത്തിയത്. ഇംഗ്ലണ്ടിനെതിരായ അഞ്ച് മത്സരങ്ങളുടെ ടെസ്റ്റ് പരമ്പരയിൽ 700-ലധികം റൺസ് നേടിയ അദ്ദേഹം പ്ലെയർ ഓഫ് ദി സീരീസ് ആയി തിരഞ്ഞെടുക്കപ്പെട്ടു. രണ്ട് ഇരട്ട സെഞ്ച്വറി നേടിയ അദ്ദേഹം ഇന്ത്യയുടെ ഏറ്റവും മികച്ച ബാറ്ററായിരുന്നു. എന്നിരുന്നാലും, പല വിദഗ്ധരുടെ അഭിപ്രായത്തിൽ, അദ്ദേഹത്തിൻ്റെ യഥാർത്ഥ പരീക്ഷണം ഓസ്‌ട്രേലിയയിലും ഇംഗ്ലണ്ടിലുമായിരിക്കും. ഈ വർഷാവസാനം ഓസ്‌ട്രേലിയയിൽ അഞ്ച് ടെസ്റ്റ് മത്സരങ്ങൾ സബ് കണ്ടൻ്റ് ടീം കളിക്കും.
ദക്ഷിണാഫ്രിക്കയിൽ കളിച്ച രണ്ട് ടെസ്റ്റ് മത്സരങ്ങളിലും ഒന്നും ചെയ്യാൻ സാധിക്കാതെയാണ് ജയ്സ്വാൾ മടങ്ങിയത് എന്ന വസ്തുത കണക്കി എടുത്താണ് പലരും ഇങ്ങനെ ഒരു അഭിപ്രായം പറഞ്ഞത് . എന്നിരുന്നാലും, ഓസ്‌ട്രേലിയയിലും മറ്റേതൊരു രാജ്യത്തും വിജയിക്കാനുള്ള എല്ലാ ഉപകരണങ്ങളും ജയ്‌സ്വാളിൻ്റെ പക്കലുണ്ടെന്ന് സഹതാരം ആർ അശ്വിൻ പറഞ്ഞു.
“ഒരു ബാറ്റർ ഓസ്‌ട്രേലിയയിലും ഇംഗ്ലണ്ടിലും മികച്ച പ്രകടനം കാഴ്ചവെച്ചാൽ മാത്രമേ മികച്ചതായി വാഴ്ത്തപ്പെടൂ എന്ന് ആളുകൾ പറയുമ്പോൾ എനിക്ക് അത് പരിഹാസ്യമായി തോന്നുന്നു. ഈ യുക്തി എനിക്ക് മനസ്സിലാകുന്നില്ല. ഹോം സാഹചര്യങ്ങളിൽ ഒരു കളിക്കാരൻ മികച്ച പ്രകടനം നടത്തുന്നുണ്ടെങ്കിൽ, അവൻ ക്ലാസ് ബാറ്ററാണ്.
‘യശസ്വി ഓസ്‌ട്രേലിയയ്‌ക്കെതിരെ വെല്ലുവിളികൾ നേരിടും, അയാളും പരാജയപ്പെടും. പരാജയങ്ങൾക്ക് ശേഷം അവൻ എങ്ങനെ സ്വയം എടുക്കുന്നു എന്നതാണ് പ്രധാന കാര്യം. പരാജയങ്ങൾ നിങ്ങളെ പഠിക്കാൻ പ്രേരിപ്പിക്കുന്നു, തൻ്റെ കരിയറിൽ മുന്നോട്ട് പോകുമ്പോൾ ജയ്സ്വാൾ കൂടുതൽ മികച്ചത് ആകും. പരാജയങ്ങൾ ഒരു പാഠമായി എടുത്ത് തൻ്റെ കളി മെച്ചപ്പെടുത്തിയാൽ, അവൻ ഇപ്പോൾ ഉള്ള മികവിന്റെ ഇരട്ടിയിലെത്തും . ഓസ്‌ട്രേലിയയിൽ വിജയിക്കാനുള്ള എല്ലാ ഉപകരണങ്ങളും അദ്ദേഹത്തിൻ്റെ പക്കലുണ്ട്, ”അദ്ദേഹം പറഞ്ഞു.
Read more
ജയ്‌സ്വാളും അശ്വിനും നിലവിൽ ഐപിഎൽ 2024 ലെ രാജസ്ഥാൻ റോയൽസ് ടീമിൻ്റെ ഭാഗമാണ്. ജയ്സ്വാൾ തൻ്റെ ഐപിഎൽ ടീമിനായി മികച്ച പ്രകടനം നടത്തി അവരുടെ മികച്ച ബാറ്ററായി തുടരുന്നു. മറുവശത്ത് അശ്വിൻ ഫ്രാഞ്ചൈസിക്കായി നിർണായക വിക്കറ്റുകളും റൺസും നേടി തിളങ്ങുന്നു.
