മൂന്ന് വിവാഹം മൂന്ന് നോ ബോൾ, ഒരു മത്സരം കൊണ്ട് എയറിൽ കയറി ഷൊയ്ബ് മാലിക്; അബദ്ധം നിറഞ്ഞ ഓവർ എറിഞ്ഞ വീഡിയോ ഏറ്റെടുത്ത് ആരാധകർ

By
സ്പോര്‍ട്സ് ഡെസ്ക്
|

ബംഗ്ലാദേശ് പ്രീമിയർ ലീഗ് മത്സരത്തിനിടെ ഫീൽഡിലെ ഒരു പ്രത്യേക സംഭവത്തെത്തുടർന്ന് മുൻ പാകിസ്ഥാൻ ക്യാപ്റ്റൻ ഷൊയ്ബ് മാലിക് തന്റെ മൂന്നാം വിവാഹത്തിന് ദിവസങ്ങൾക്ക് ശേഷം സോഷ്യൽ മീഡിയയിൽ കടുത്ത വിമർശനം നേരിട്ടു. ഇന്ത്യൻ ടെന്നീസ് താരം സാനിയ മിർസയുമായുള്ള വിവാഹമോചനത്തിന് ശേഷം നടി സന ജാവേദുമായി അടുത്തിടെ വിവാഹിതനായ മാലിക്, ബിപിഎല്ലിൽ കളിക്കാൻ ഇറങ്ങുമ്പോൾ മുതൽ ട്രോളർമാരുടെ പ്രിയപ്പെട്ടവനായി മാറും.

ഫോർച്യൂൺ ബാരിഷാലും ഖുൽന ടൈഗേഴ്സും തമ്മിലുള്ള മത്സരത്തിൽ, ടി20യിൽ 13,000 റൺസ് തികയ്ക്കുന്ന ആദ്യ ഏഷ്യൻ കളിക്കാരനായി മാലിക് ഒരു സുപ്രധാന നാഴികക്കല്ല് പിന്നിട്ടു. എന്നിരുന്നാലും മത്സരത്തിൽ തുടരെ തുടരെ മൂന്ന് നോ ബോളുകൾ എറിഞ്ഞ് മാലിക്ക് ദുർന്നതാണ് നായകൻ കൂടിയായി. ഓവറിൽ 18 റൺസാണ് താരം മടങ്ങിയത്.

ഫ്രാഞ്ചൈസി ക്യാപ്റ്റൻ തമീം ഇഖ്ബാൽ പവർപ്ലേയ്ക്കിടെ മാലിക്കിനെ ഉപയോഗിക്കുക ആയിരുന്നു. ടീമംഗങ്ങളെയും ക്യാപ്റ്റനെയും ഒരുപോലെ നിരാശരാക്കി, ആ ഓവറിൽ മാലിക് തുടർച്ചയായി മൂന്ന് നോബോളുകൾ എറിഞ്ഞു, ആകെ 18 റൺസ് വഴങ്ങി.

മാലിക്കിന്റെ വിലയേറിയ ഓവർ, 188 റൺസ് വിജയലക്ഷ്യം പിന്തുടരുന്നതിനിടെ വെറും നാലോവറിൽ അമ്പത് റൺസ് പിന്നിടാൻ ഖുൽന ടൈഗേഴ്സിനെ അനുവദിച്ചു. സോഷ്യൽ മീഡിയയിൽ വലിയ രീതിയിൽ ഉള്ള ട്രോളുകളാണ് താരത്തിന് കിട്ടുന്നത്. ” മൂന്ന് കല്യാണം മൂന്ന് നോ ബോൾ ” ” ഓരോ ഭാര്യമാർക്കും ഡെഡിക്കേഷൻ ” ഉൾപ്പടെ അനവധി ട്രോളുകളാണ് പിറക്കുന്നത്.